স্বাস্থ্য প্ৰতিবেদন:
বহুতো মহিলাই ঘৰ আৰু অফিচ একেলগে চম্ভালে। সংসাৰ আৰু কর্মক্ষেত্রৰ ভাৰসাম্য বজায় ৰাখিবলৈ গৈ শৰীৰ-স্বাস্থ্যৰ দিশে নজৰ দিবলৈ সময় নাটে। সমীক্ষাই কৈছে, বেশিভাগ নাৰীয়ে জীৱন-যাপনত অনিয়মিত সমস্যা চিকাৰ হয়।
ফলত স্থূলতা, থাইৰয়েড, মানসিক অৱসাদ হয় নিত্যসঙ্গী। এটি নির্দিষ্ট বয়সত ঋতুবন্ধৰ পিছৰ পৰা শাৰীৰিক বিভিন্ন জটিলতাও সৃষ্টি হয়। চিকিৎসকসকলে কয়, সামান্য সচেতনতা, দৈনন্দিন খোৱা-লোৱাৰ অভ্যাস সলনি কৰিলেই শৰীৰ সুস্থ হৈ থাকিব। শৰীৰক পুষ্টি যোগাবলৈ বয়স নির্বিশেষে দৈনিক খাদ্য তালিকাত বিভিন্ন বতৰৰ ফল থকাটো প্রয়োজন।
১) আপেল :
পুৱাৰ জলপানত বা দুপৰীয়া কামৰ মাজে মাজে দৈনিক এটিকৈ আপেল খালে শৰীৰৰ যত্ন লয়। আপেলে ওজন হ্রাস কৰে, হৃদ্যন্ত্র ভালে ৰাখে, ডায়েবেটিছ নিয়ন্ত্রণত ৰাখে। ‘আমেৰিকান এছোচিয়েচন অব ক্লিনিকেল নিউট্রিচন’ৰ সমীক্ষা অনুসৰি যিসকল মহিলাই নিয়মিত আপেল খায় তেওঁলোকৰ হৃদ্ৰোগৰ সম্ভাৱনা কমে প্রায় ১৩-২২ শতাংশ।
২) আমলখি :
বহু মহিলাই আয়ৰনৰ অভাৱত ভোগে। তেওঁলোকৰ বাবে অপৰিহার্য এটি ফল হৈছে আমলখি। ঋতুস্রাৱৰ সময়ত শৰীৰৰ পৰা বহু পৰিমাণৰ ৰক্ত নির্গত হয়। শৰীৰত পর্যাপ্ত আয়ৰনৰ অভাৱে ৰক্তাহীনতাৰ সমস্যাই দেখা দিয়ে। শৰীৰৰ আয়ৰনৰ ঘাটি পূৰণ কৰিবলৈ দৈনিক এটিকৈ আমলখি খোৱাটো প্রয়োজন।
৩) বেদানা :
স্তন কেন্সাৰৰ কোষৰ মৃত্যু ঘটায় বেদানাই। ইয়াৰ উপৰি মহিলাসকলৰ আর্থ্রাৰাইটিছ হোৱাৰ প্রৱণতাও বহুখিনি বেছি। বেদানাই আর্থ্রাৰাইটিছৰ সমস্যা কমাব পাৰে। ইয়াৰ উপৰি স্থূলতাৰ সমস্যাত ভোগাসকলে প্রতিদিনৰ খাদ্য তালিকাত নিয়মিত ৰাখিব পাৰে বেদানা।
