সমগ্ৰ বিশ্বই কোভিডৰ দৰে ভয়ংকৰ মহামাৰী এতিয়ালৈকে দেখা নাই। কিন্তু শেহতীয়াকৈ চীনত (In China) এটা নতুন ভাইৰাছ (New virus) পোৱা গৈছে, যিটো কোভিডতকৈও অধিক বিপজ্জনক (More dangerous than Covid)। প্ৰখ্যাত ভাইৰ’লজিষ্ট শ্বি ঝেংগিলৰ নেতৃত্বত গৱেষকৰ এটা দলে শেহতীয়াকৈ বাদুলি (Bat)ৰ মাজত এনে এটা ভাইৰাছ বিচাৰি উলিয়াইছে, যিয়ে কোভিডতকৈ অধিক দ্ৰুত হাৰত মানুহক সংক্ৰমিত কৰিব পাৰে।
এসময়ত য়ুহানৰ যি গৱেষণাগাৰৰ পৰা কোভিডৰ উৎপত্তি হোৱা বুলি অভিযোগ উঠিছিল, সেই গৱেষণাগাৰত শ্বিয়ে কাম কৰে। কোভিড সম্পৰ্কীয় গৱেষণাৰ বাবেও তেওঁ বৈজ্ঞানিক মহলত পৰিচিত। তেওঁ কয় যে এইবাৰ বাদুলিৰ দেহ (Body of a bat) পৰীক্ষা কৰি HKU5Cov2 নামৰ এটা ভাইৰাছ পোৱা গৈছে। গৱেষকসকলে কয় যে এই ভাইৰাছটোও কোভিডৰ এটা ৰূপ। এই ভাইৰাছত আক্ৰান্ত লোকৰ ভিতৰত এক তৃতীয়াংশ লোকৰ মৃত্যু হয়।
এই নতুন ভাইৰাছটো কোভিডৰ ৰূপান্তৰ হ’ব পাৰে বুলিও গৱেষকসকলে প্ৰকাশ কৰিছে। এই ভাইৰাছ কেৱল মানুহৰ পৰা মানুহলৈ নহয়, আন প্ৰাণীৰ পৰাও মানুহৰ শৰীৰলৈ বিয়পিব পাৰে বুলি আশংকা কৰা হৈছে। সেয়ে সংক্ৰমণ বিয়পোৱাৰ ক্ষেত্ৰত কোভিডতকৈও আগত বুলি ক’লেও অত্যুক্তি কৰা নহয়। কিন্তু এতিয়াই আতংকিত হোৱাৰ পৰিৱৰ্তে এই বিষয়ত অধিক গৱেষণাৰ প্ৰয়োজন বুলিও গৱেষকসকলে কয়।
