কৰ্ণাটকত এক নিৰ্বাচনী ৰেলীৰ (Karnataka Election Rally) সময়ত প্রধানমন্ত্রী নৰেন্দ্র মোডীৰ (Narendra Modi) গাড়ীক লক্ষ্য কৰি দেওবাৰে নিক্ষেপ কৰা হয় এটা মোবাইল ফোন । এই ঘটনাক লৈ মুহূৰ্ততে হুলস্থুল লাগি পৰে সমগ্ৰ দেশতে ৷ লগতে কৰ্ণাটকত প্ৰধানমন্ত্ৰীৰ সুৰক্ষা ব্যৱস্থাক লৈও প্ৰশ্ন উত্থাপন হয় ৷ কিন্তু তাৰ পিছতে সোমবাৰে কৰ্ণাটক আৰক্ষীয়ে জনাইছে, এই ঘটনাৰ নেপথ্যত কোনো অসৎ উদ্দেশ্য নাছিল৷
নিৰ্বাচনী ৰেলীত মোদীৰ গালৈ মহিলাৰ মোবাইল নিক্ষেপ:
কৰ্ণাটক আৰক্ষীয়ে জনাইছে যে প্রধানমন্ত্রীৰ গাড়ীক লক্ষ্য কৰি যিটো মোবাইল নিক্ষেপ কৰা হৈছিল, সেইটো এগৰাকী মহিলাৰ । তেঁৱো এগৰাকী বিজেপি কর্মী । আৰক্ষীৰ অনুমান, অসৎ ইচ্ছা লৈ প্রধানমন্ত্রীক লক্ষ্য কৰি মোবাইল ফোনটি নিক্ষেপ কৰা হোৱা নাছিল ।
প্রাথমিক তদন্তৰ পিছত তেওঁলোকৰ অনুমান, ফোনটো মহিলাগৰাকীৰ হাতৰ পৰা ছিটিকি গৈছিল । প্রধানমন্ত্রীৰ নিৰাপত্তাৰ দায়িত্বত থকা এছপিজি বিষয়াসকলে ফোনটো মহিলাগৰাকীক ঘূৰাই দিয়ে । অৱশ্য আৰক্ষীয়ে তেওঁৰ সন্ধান পোৱা নাই । মহিলাগৰাকীৰ সন্ধান লাভ কৰিলেই এই বিষয়ত অধিক নিশ্চিত হ’ব পৰা যাব বুলি কৰ্ণাটক আৰক্ষীৰ এডিজি (আইন-শংখলা) অলোক কুমাৰে এই কথা জনাইছে ৷
উল্লেখ্য কৰ্ণাটক বিধানসভাৰ নির্বাচন অহা ১০ মে’ত অনুষ্ঠিত হ’ব । তাৰ পূৰ্বে দেওবাৰে ৰাজ্যখনৰ বিভিন্ন স্থানত নিৰ্বাচনী সভাত অংশগ্ৰহণ কৰে প্রধানমন্ত্রীয়ে । পিছত এটি ৰোড শ্ব’তো অংশগ্ৰহণ কৰে তেওঁ । মহীশূৰত ৰোড শ্ব’ চলি থাকোঁতেই মোডীৰ গাড়ীলৈ লক্ষ্য কৰি মোবাইল দলিওৱা হয় ।
