উত্তৰ প্ৰদেশ চৰকাৰে মুকলি কৰা এই হেল্পলাইন নম্বৰৰ জৰিয়তে উত্তৰ প্ৰদেশৰ মুখ্যমন্ত্ৰী যোগী আদিত্যনাথে (Yogi Adityanath) মৃত্যুৰ ভাবুকি লাভ কৰে। উত্তৰ প্ৰদেশ চৰকাৰে জৰুৰীকালীন সেৱাৰ বাবে ‘ডায়েল ১১২’ নামৰ সেৱা আৰম্ভ কৰিছে। যোগী চৰকাৰে এই সেৱা আৰম্ভ কৰিছে যাতে সাধাৰণ ৰাইজে এই নম্বৰত ফোন বা মেছেজ কৰি যিকোনো কথাৰ অভিযোগ কৰিব পাৰে। দেওবাৰে নিশা মুখ্যমন্ত্ৰী আদিত্যনাথক সেই নম্বৰত হত্যাৰ ভাবুকি দিয়া হয়।
প্ৰশাসনৰ সূত্ৰ অনুসৰি, দেওবাৰে নিশা প্ৰায় ১০.৩০ বজাত এই বাৰ্তাটো প্ৰেৰণ কৰা হৈছে। বাৰ্তাটোত লিখা আছিল, “মই শীঘ্ৰেই মুখ্যমন্ত্ৰী যোগী আদিত্যনাথক হত্যা কৰিম।”ইয়াৰ পিছত লক্ষ্ণৌৰ সুশান্ত গলফ চিটি আৰক্ষী থানাত এজন অচিনাক্ত ব্যক্তিৰ বিৰুদ্ধে গোচৰ ৰুজু হয়। আৰক্ষীৰ সূত্ৰ অনুসৰি, প্ৰথমে অনুমান কৰা হৈছে যে ৰেহান নামৰ এজন যুৱকে মেছেজ দি যোগীক হত্যা কৰাৰ ভাবুকি দিছিল।
উল্লেখযোগ্য যে চলিত মাহৰ আৰম্ভণিতে প্ৰধানমন্ত্ৰী নৰেন্দ্ৰ মোডী (Narendra Modi) আৰু যোগীক হত্যাৰ ভাবুকি দি ইমেইল প্ৰেৰণ কৰাৰ অভিযোগত আৰক্ষীয়ে গ্ৰেপ্তাৰ কৰিছিল এগৰাকী ১৬ বছৰীয়া স্কুলীয়া ছাত্ৰক। লক্ষ্ণৌৰ পৰা নয়ডা আৰক্ষীয়ে গ্ৰেপ্তাৰ কৰে বিদ্যালয়ৰ ছাত্ৰজনক।
শেহতীয়াকৈ আৰক্ষীৰ সংঘৰ্ষত মৃত্যু হৈছে ৰাজ্যখনৰ কেইবাজনো ‘গেংষ্টাৰ’ (Gangstar)। আৰক্ষীৰ গুলীত মৃত্যু হয় গেংষ্টাৰ আতিক আহমেদৰ কনিষ্ঠ পুত্ৰ আছাদৰ। পিছত দুৰ্বৃত্তই আৰক্ষীৰ সন্মুখত আতিকক গুলীয়াই হত্যা কৰে। এই পৰিস্থিতিত যোগীক চৰকাৰৰ নম্বৰতে হত্যাৰ ভাবুকি দিয়া হয়।
শেহতীয়াকৈ আৰক্ষীৰ সংঘৰ্ষত মৃত্যু হৈছে ৰাজ্যখনৰ কেইবাজনো ‘গেংষ্টাৰ’ (Gangstar)। আৰক্ষীৰ গুলীত মৃত্যু হয় গেংষ্টাৰ আতিক আহমেদৰ কনিষ্ঠ পুত্ৰ আছাদৰ। পিছত দুৰ্বৃত্তই আৰক্ষীৰ সন্মুখত আতিকক গুলীয়াই হত্যা কৰে। এই পৰিস্থিতিত যোগীক চৰকাৰৰ নম্বৰতে হত্যাৰ ভাবুকি দিয়া হয়।
