ঘন অৰণ্য আৰু দুৰ্গম পাহাৰৰ মাজেদি হাতে হাতে ধনু-কাৰ, দা, যাঠি আদি লৈ ৯ জনীয়া এটা সজাতি দলে কাহিলী পোৱাতেই যাত্ৰা কৰিলে আকাশী গংগা পাহাৰৰ (Akashi Ganga Hills) ওপৰলৈ ৷ তেওঁলোকৰ লক্ষ্য আৰু উদেশ্য এটাই আকাশী গঙ্গা (Akashi Ganga)ৰ নিজৰাৰ পানী কমাৰ বিষয়টো উদ্ভাৱন কৰাৰ লগতে জলপ্ৰপতটিৰ উৎপত্তিৰ স্থল বিচাৰি উলিওয়াৰ৷
হোজাই আৰু কাৰ্বি আংলং (Karbi Anglong) জিলাৰ সীমান্তবৰ্তী অঞ্চলৰ পাৰখোৱাৰ ঐতিহ্যমণ্ডিত শ্ৰীশ্ৰীআকাশী গংগা শিৱ থান (Sri Sri Akaashi Ganga Shiva Than)ৰ জলপ্ৰপাতৰ উৎপত্তিস্থল বিচাৰি পাহাৰৰ লুঙলুঙীয়া, শিলাময় পথেৰে আৰু কণ্টকময় হাবি ফালি নিৰ্ভিকতাৰে আকাশী গংগা উন্নয়ন সমিতিৰ ৯জনীয়া এটি সজাতি দলে (9 persons Group) আকাশী গংগা পাহাৰলৈ আজি যাত্ৰা (Journey) আৰম্ভ কৰে । ৰহস্যজনকভাবে জলপ্ৰপাতটোৰ পানী হ্ৰাস পোৱাকলৈ উদ্বিগ্ন হৈ পৰিছিল জলপ্ৰপাতটোৰ উন্নয়ন সমিতিয়ে।
উক্ত যাত্ৰাৰ নেতৃত্ব প্ৰদান কৰে শ্ৰী শ্ৰী আকাশী গংগা শিৱ থান উন্নয়ন সমিতিৰ সভাপতি মিলাৰাম দেউৰী আৰু সদস্য তথা পাহাৰত ভ্ৰমণ কৰা অভিজ্ঞ ব্যক্তি ভৰত ক্ৰ’য়ে । তেওঁলোকক সংগ দিয়ে সহকাৰী সম্পাদক ৰঞ্জিত দাস, উপদেষ্টা গৌৰাংগ ছন্দ, বিদূৰ দাস, বিজু ছন্দ, ধীৰেন্দ্ৰ দাস, উৎপল লস্কৰ, প্ৰণিত গায়নে ৷
আজিৰ এই যাত্ৰা প্ৰায় আঠ কিলোমিটাৰ হ’ব বুলি ধাৰণা কৰা হয়। বাতৰি লিখা পৰলৈকে জলপ্ৰপাতটিৰ উৎসস্থল বিচাৰি পোৱা নাছিল সঁজাতি দলটোৱে ৷ তথাপি মনত অদম্য আৰু অযুত সপোনলৈ পাহাৰ বগাই গৈছিল ধীৰ আৰু মন্থৰ গতিত ৷ এইদৰে গৈ থাকোতে বাটত তিনি-চাৰি ঠাইত পানী বিচাৰি পাইছিল যদিও সঁজাতি দলটোৱে সেই উৎস সমূহতো পানীৰ পৰিমান তেনেই কমহে পায় ৷
ফলত পৰৱৰ্তী উৎসৰ বাবেও আগবাঢ়ি গ’ল দলটো ৷ অলপ ওপৰলৈ যাৱাৰ পিছতে বনৰীয়া হাতীয়ে তেওঁলোকৰ বাটত হেঙাৰস্বৰূপ হৈ পপিল বুলি জানিব পৰা গৈছে ৷ ক্ৰমাৎ ধৰালৈ সন্ধিয়া নামি অহাত উপায়ন্তৰ হৈ দলটো অভিযান আধাতে সামৰি পাহাৰৰ তললৈ নামি আহিবলৈ বাধ্য হ’ল যদিও পৰিৱৰ্তী অভিযানৰ বাবে সকংকল্পৱদ্ধ হৈছে বুলি জানিব পৰা গৈছে৷
