কাৰ্বি আংলং (Karbi Anglong) জিলাৰ বোকাজান মহকুমা (Bokajan Subdivision)ৰ অন্তৰ্গত খটখটী এলেকা (Khatkhati area)ৰ অসম–নাগালেণ্ড সীমান্তৰ দলঙৰ পৰা লাহৰিজান বজাৰ (Lahorijan market), লাহৰিজান শ্মশান ঘাট হৈ গৌতম বস্তি লৈকে থকা ৩৯ নং ৰাষ্ট্ৰীয় ঘাই পথ (National Highway 39)ৰ জৰাজীৰ্ণ অৱস্থা (Dilapidated condition)ই স্থানীয় ৰাইজ আৰু যাত্ৰীসকলক দীৰ্ঘদিন ধৰি সমস্যাত পেলাইছে। উল্লেখ্য যে প্ৰায় দুবছৰ ধৰি এই পথটো অতিহী শোচনীয় অৱস্থালৈ গতি কৰিছে। গুৰুত্বপূৰ্ণ যে পথৰ মাজে মাজে সৃষ্টি হৈছে প্ৰকাণ্ড গাঁত৷ এই গাঁতসমূহে যান-বাহন চলাচলত গুৰুতৰ অসুবিধা সৃষ্টি কৰিছে। বিশেষকৈ বাৰিষাৰ সময়ত বৰষুণৰ পানীয়ে গাঁতবোৰ পূৰ্ণ হৈ পৰাত পথ কোনটো আৰু পুখুৰী কোনটো চিনাক্ত কৰাটো চালকসকলৰ বাবে অত্যন্ত কঠিন হৈ পৰে।
মনকৰিবলগীয়া দৈনিক এই পথৰে হাজাৰ হাজাৰ যান-বাহন চলাচল কৰে। লগতে পথচাৰী আৰু স্কুলীয়া ছাত্ৰ-ছাত্ৰীসকলেও এই পথেৰে নিয়মীয়াকৈ যাতায়াত কৰে। পথৰ দুৰৱস্থাৰ হেতু যিকোনো সময়তে দুৰ্ঘটনা সংঘটিত হোৱাৰ আশংকা বৃদ্ধি পাইছে। ফলত ৰাইজৰ মাজত প্ৰতিদিনেই চিন্তাৰ উদ্ৰেগ বৃদ্ধি পাইছে৷ আনহাতে স্থানীয় ৰাইজে অভিযোগ উত্থাপন কৰি কয় যে ইমান দিন ধৰি পথটো বেয়া অৱস্থাত থকাৰ পিছতো বিভাগীয় কৰ্তৃপক্ষই ইয়াৰ কোনো স্থায়ী মেৰামতিৰ ব্যৱস্থা গ্ৰহণ কৰা নাই। ফলত ৰাইজৰ মাজত অসন্তোষ বৃদ্ধি পাইছে। স্থানীয় ৰাইজে অতি শীঘ্ৰে এই পথটো মেৰামতি কৰাৰ বাবে সংশ্লিষ্ট বিভাগৰ ওচৰত তীব্ৰ দাবী জনাইছে। মূল বিষয়টো হৈছে পথৰ দুয়ো কাষে নৰ্দমা নথকাৰ কাৰণে অতি সোনকালে পথটো বেয়া পৰে৷ ৰাইজে পথৰ কাষত নৰ্দমা দি পথটো তৎকালে নিৰ্মাণ কৰিবলৈ দাবী উত্থাপন কৰিছে৷
