বৃহস্পতিবাৰে কাৰ্বি আংলং (Karbi Anglong) জিলাৰ বোকাজান (Bokajan)ত এক বিশাল নিৰ্বাচনী প্ৰচাৰ সভাত অংশগ্ৰহণ কৰে কংগ্ৰেছ নেতা ৰাহুল গান্ধী (Rahul Gandhi)য়ে৷ বোকাজান সমষ্টিৰ কংগ্ৰেছ প্ৰাৰ্থী ৰতন ইংতি (Congress candidate Ratan Ingti), হাওৰাঘাটৰ কংগ্ৰেছ প্ৰাৰ্থী সঞ্জীৱ তেৰণ (Sanjiv Teron), আমৰীৰ বিক্ৰম হাঞ্চে (Bikram Hansa) আৰু ডিফুৰ এ পি এইচ এল চি (APHLC)ৰ প্ৰাৰ্থী জন ইংতি কাথাৰ (John Igti Kathar)ৰ হৈ ৰাহুল গান্ধীয়ে প্ৰচাৰ চলায় (Rahul Gandhi conducts a campaign)৷
পুৱা বিশেষ বিমানযোগে দিল্লীৰ পৰা আহি ডিমাপুৰ বিমানবন্দৰত অৱতৰণ কৰি তাৰ পৰা হেলিকপ্টাৰযোগে বোকাজানত উপস্থিত হয় ৰাহুল গান্ধী। ইয়াৰ পিছত চাৰিহাজান (হাঞ্জাংলাংচো) ক্ৰীড়া প্ৰকল্প খেলপথাৰত বিশাল জনসভা সম্বোধন কৰে৷ নিৰ্বাচনী প্ৰচাৰ সভাত মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে তীব্ৰ আক্ৰমণাত্মক দেখা যায় ৰাহুল গান্ধীক। মুখ্যমন্ত্ৰীক আক্ৰমণ কৰি নিৰ্বাচনী প্ৰচাৰ সভাত ৰাহুল গান্ধীয়ে।
হিমন্ত বিশ্ব শৰ্মাক দেশৰ ভিতৰত আটাইতকৈ দুৰ্নীতিপৰায়ণ মুখ্যমন্ত্ৰী বুলি অভিহিত কৰে। আনহাতে, পৰৱৰ্তী দিনত অসমত কংগ্ৰেছ চৰকাৰ গঠন হ’লে মুখ্যমন্ত্ৰীৰ মুখ বন্ধ হৈ যাব আৰু হাত যোৰ কৰি ওলাই আহিব লাগিব বুলিও কয়। লগতে মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে ব্যৱস্থা গ্ৰহণ কৰাৰ লগতে তেওঁ কৰা দুৰ্নীতিৰ পৰিণাম ভোগ কৰিব লাগিব বুলিও কয়।
আনহাতে, এই প্ৰচাৰ সভাতে ৰাহুল গান্ধীয়ে কংগ্ৰেছৰ কেইবাটাও গেৰাণ্টিৰ কথা উল্লেখ কৰে। ৰাহুল গান্ধীয়ে কয় যে কাৰ্বি আংলঙৰ জনসাধাৰণৰ আটাইতকৈ ডাঙৰ সমস্যা সংবিধানৰ ২৪৪-ক অনুচ্ছেদ কাৰ্যকৰী কৰা হ’ব। কংগ্ৰেছৰ চৰকাৰ গঠন হ’লেই এই অনুচ্ছেদ ২৪৪-ক কাৰ্যকৰী হ’ব বুলি উল্লেখ কৰি কয় যে কাৰ্বি জনসাধাৰণৰ অধিকাৰ আৰু ক্ষমতা লাভ কৰিব, পৰিচয়ৰ সুৰক্ষা লাভ কৰিব। তেওঁ লগতে কয় যে কংগ্ৰেছ চৰকাৰ গঠন হোৱাৰ পিছত গুৱাহাটীৰ পৰা ৰিম’ট কণ্ট্ৰ’লেৰে কাৰ্বি আংলং পৰিচালিত নহ’ব, কাৰ্বি জনসাধাৰণে নিজে নিজক পৰিচালনা কৰিব, স্থানীয় নেতাই পৰিচালনা কৰিব আৰু নিজৰ সম্পূৰ্ণ অধিকাৰ লাভ কৰিব। ইফালে কংগ্ৰেছৰ পাঁচ গেৰাণ্টিৰ কথা উল্লেখ কৰি ৰাহুল গান্ধীয়ে কয় যে মহিলাৰ বাবে চৰ্তবিহীনভাৱে মাহিলি নগদ ধন প্ৰতিগৰাকী মহিলাৰ বেংক একাউণ্টলৈ ট্ৰেন্সফাৰ কৰা হ’ব, মহিলা উদ্যোগীৰ বাবে ৫০ হাজাৰ টকাকৈ প্ৰদান কৰা হ’ব।
