অফুৰন্ত ‘ঐশ্বৰ্য’ৰ মালিক। আৰু কিবা কৰিবলৈ বাকী আছেনে! কিন্তু এক অবিশ্বাস্য কাণ্ড কৰিছে ঐশ্বৰ্য ৰায় বচ্চনে (Aishwarya Rai Bachchan)। তাৰ বাবে মহাৰাষ্ট্ৰ চৰকাৰে (Government of Maharashtra) তেওঁক জাননী জাৰি (Notice issued) কৰিছে। খবৰ অনুযায়ী, এই জাননী তেওঁক ৯ জানুৱাৰীত প্ৰেৰণ কৰা হৈছিল। ১৮ জানুৱাৰীত তেওঁৰ কৰ আদায় দিয়াৰ অন্তিম দিন (Last day for payment of taxes)।
অভিনেত্ৰীগৰাকীৰ হৈ তেওঁৰ অধিবক্তাই সংশ্লিষ্ট বিষয়াসকলৰ সৈতে যোগাযোগ কৰে। তেওঁ কয় যে নিৰ্দিষ্ট সময়ত কিছুমান কৰ আদায় দিয়া হʼব।পিছে কৰৰ পৰিমাণ বহু বেছি নেকি, যাৰবাবে নায়িকাগৰাকীয়ে দিব নোৱাৰিলে? চৰকাৰী জাননীত কোৱা হৈছে যে নাচিকৰ সমীপৰ সিন্নাৰ জিলাৰ আদবাদি গাঁৱৰ এক হেক্টৰ মাটিৰ বাবে তেওঁৰ কৰ মাত্ৰ ২১,৯৬০ টকা।
এই টকাও তেওঁ দিব নোৱাৰিলে! আৰু এই ধনৰাশি তেওঁ এবছৰতকৈ অধিক সময় আদায় দিয়া নাই। তেওঁৰ অধিবক্তাই পলম হোৱাৰ কাৰণো বুজাই দিলে। ঐশ্বৰ্যই উইন্দমিলত বিনিয়োগ কৰে। ২০০৯ চনত তেওঁ এই মাটি ক্ৰয় কৰিছিল। ইমান বছৰে তেওঁ কৰ দি আহিছে। কেৱল এই বিশেষ মূল্যায়ন বৰ্ষৰ বাবে কৰ বাকী আছে।
উল্লেখ্য, ঐশ্বৰ্য ৰায় বচ্চনে প্ৰথমবাৰৰ বাবে চৰকাৰী জাননী পোৱা নাই। ইয়াৰ পূৰ্বে তেওঁ ১২০০ৰো অধিক কৰ খিলাফি কৰিছে। তাৰ বাবে তেওঁ একাধিক জাননী পাইছিল। সেই সময়ত সংশ্লিষ্ট মহলে তেওঁৰ পৰা কোনো সঁহাৰি পোৱা নাছিল। চৰকাৰী জাননীৰ বিৰুদ্ধে তেওঁৰ অধিবক্তাই প্ৰথমবাৰৰ বাবে আইনী সঁহাৰি দিছে।