প্রখ্যাত অভিনেতা (Famous actor) জনি লিভাৰৰ কন্যা (Johnny Lever’s daughter) তথা জনপ্রিয় কৌতুক অভিনেত্ৰী (Comedian actress) জেমি লিভাৰে (Jamie Lever) সম্প্রতি তেওঁৰ শৈশৱৰ কিছু ভয়াৱহ অভিজ্ঞতা (Terrible childhood experience)ৰ কথা প্রকাশ কৰিছে। এক সাক্ষাৎকাৰত তেওঁ কয় কেনেদৰে শৈশৱত তেওঁ একাধিকবাৰ অশালীন আচৰণৰ চিকাৰ (Victim of obscene behavior) হ’বলগা হৈছিল। আৰু এই পৰিস্থিতিয়ে তেওঁৰ মনত দীর্ঘস্থায়ী ক্ষতৰ সৃষ্টি কৰিছিল।
জেমিয়ে জনোৱা অনুসৰি, মুম্বাইৰ স্কুলত পঢ়ি থকাৰ সময়ত এদিন স্কুলৰ বাহিৰত গাড়ীৰ বাবে অপেক্ষা কৰি থকাৰ সময়ত এজন ব্যক্তিয়ে চৰম অশালীন আচৰণ আৰম্ভ কৰে। সেই সময়ত মাত্র ১০-১২ বছৰ বয়সৰ জেমিয়ে ঘটনাটোত ইমানেই আতঙ্কিত হৈ পৰিছিল যে ভয়ত গাড়ীৰ দৰ্জা তলা লগাই দিয়ে। কেৱল সেয়াই নহয়, জেমিয়ে অভিযোগ কৰে যে যিসকলৰ ওপৰত স্কুলৰ শিশুসকলৰ সুৰক্ষাৰ দায়িত্ব থাকে, সেই স্কুল বাছৰ কণ্ডাক্টৰেই মাজে সময়ে তেওঁৰ সৈতে আপত্তিজনক আচৰণ কৰিছিল আৰু অতি কুৎসিতভাৱে স্পর্শ কৰিছিল।
আনহাতে, আন্ধেৰী ষ্টেচনত ঘটা আন এটি ঘটনাৰ স্মৃতিচাৰণ কৰি তেওঁ কয় যে এবাৰ এজন ব্যক্তিয়ে প্রকাশ্যে তেওঁৰ পথ অৱৰোধ কৰি সন্মুখত থিয় হৈ অত্যন্ত কুৰুচিকৰ অংগী-ভংগী কৰিছিল। এনেধৰণৰ এটাৰ পিছত ঘটা আন এটা ঘটনাই জেমিক মানসিকভাৱে ইমানেই বিপর্যস্ত কৰিছিল যে তিনি সুদীর্ঘকাল ধৰি পুৰুষৰ পৰা নিৰাপদ দূৰত্বত থাকিবলৈ লৈছিল। লগতে জেমিয়ে স্বীকাৰ কৰে, “এই ঘটনাবোৰ মোৰ বাবে দুঃস্বপ্নৰ দৰে। বছৰৰ পিছত বছৰ মই নিজকে আঁতৰাই ৰাখিছিলো। কোনো পুৰুষৰ সৈতে হলিগলি কৰা বা সম্পর্ক স্থাপনৰ কথা ভাবিবই পৰা নাছিলোঁ।”
অৱশেষত যেতিয়া তেওঁ উচ্চশিক্ষাৰ বাবে লণ্ডনলৈ গৈছিল তাৰ পিছৰ পৰাহে তেওঁ লাহে লাহে সেই মানসিক পৰিস্থিতিৰ পৰা নিজকে মুক্ত কৰিবলৈ চেষ্টা কৰে। উল্লেখযোগ্য যে জনি লিভাৰৰ কন্যা হিচাপে এক পৰিচয় থাকিলেও নিজৰ মেধাৰে জেমিয়ে আজি বিনোদন জগতত নিজৰ বাবে এক সুকীয়া স্থান সৃষ্টি কৰি লৈছে। ২০১৫ চনত বলিউডত অভিষেক ঘটোৱাৰ পিছত বর্তমান তেওঁ সামাজিক মাধ্যমত তেওঁৰ নিখুঁত মিমিক্রি আৰু হাস্যৰসপূৰ্ণ কৌতুক ভিডিওৰ বাবে অতি জনপ্রিয়।
