ডিমা হাছাও জিলাত চাঞ্চল্যকৰ ঘটনা। চাৰি দিনত দুটাকৈ অচিনাক্ত মৃতদেহ উদ্ধাৰ। ইয়াকে লৈ বিবুধিত পৰিছে আৰক্ষী। দুৰ্গোৎসৱৰ আনন্দ-উল্লাসৰ মাজতে পাহাৰীয়া জিলাখনত। উদ্ধাৰ হৈছে এই অচিনাক্ত মৃতদেহকেইটা। এতিয়া মৃতদেহ দুটা চিনাক্ত কৰিব নোৱাৰি আৰক্ষীও বিবুধিত পৰিছে। শুকুৰবাৰে মাইবঙৰ গিডিংপুৰ বনাঞ্চলত এটা অচিনাক্ত মৃতদেহ উদ্ধাৰ হয়।
আনহাতে, যোৱা ২০ অক্টোবৰতো নিউ হাফলঙৰ সমীপৰ দিয়ুং নদীত উদ্ধাৰ হৈছিল এটা মৃতদেহ। মাত্ৰ চাৰিটা দিনত দুটাকৈ অচিনাক্ত মৃতদেহ উদ্ধাৰ হোৱা ঘটনাক গুৰুত্বসহকাৰে লৈ ডিমা হাচাও আৰক্ষীয়ে উচ্চ পৰ্যায়ৰ তদন্ত আৰম্ভ কৰিছে। ইতিমধ্যে ঘটনাস্থলীত উপস্থিত হয় ডিমা হাচাও জিলা জ্যেষ্ঠ আৰক্ষী অধীক্ষক ৰিপুঞ্জয় কাকতি। তেওঁ মৃতদেহকেইটা তন্নতন্নকৈ পৰীক্ষা কৰি তদন্ত অব্যাহত ৰাখিছে। অৱশ্যে এয়া কোনো দুৰ্ঘটনা নে হত্যাকাণ্ড সেয়া এতিয়াও স্পষ্ট হোৱা নাই। লগতে মৃতদেহ দুটাৰ পৰিচয় সম্পৰ্কেও কোনো তথ্য লাভ কৰা হোৱা নাই। কিন্তু মাত্ৰ চাৰিটা দিনত দুটাকৈ অচিনাক্ত মৃতদেহ উদ্ধাৰ হোৱা ঘটনাই পাহাৰীয়া জিলাখনত চাঞ্চল্যৰ সৃষ্টি কৰিছে।
