এছ এছ ৰাজামৌলিৰ শিৰত নতুন মুকুট। পৰিচালক ৰাজামৌলিৰ ‘আৰ আৰ আৰ’ ছবিখনে (Director Rajamouli’s ‘RRR’) বিগত বৰ্ষৰ মাৰ্চ মাহত ছবিগৃহত মুক্তি লাভ কৰিছিল। ছবিখনৰ ‘নাটু নাটু’ গীতটিয়ে শ্ৰেষ্ঠ গীতৰ (The song ‘Naatu Naatu’ is the best song) আন্তৰাষ্ট্ৰীয় গ’ল্ডেন গ্লোবছ বঁটা লাভ (International Golden Globes Award) কৰে। ৰাহুল ছিপলিগঞ্জ আৰু কলা ভৈৰৱে গোৱা ‘নাটু নাটু’ৱে এই শাখাত টেইলৰ চুইফট আৰু লেডী গাগাৰ দৰে গায়কক পৰাস্ত কৰিছে।
গুইলেৰ্মো ডেল টোৰোৰ ‘পিনোচিঅ’ গীতৰ ‘চায়ো পাপা’ গীতটোৱে শ্ৰেষ্ঠ সংগীত শাখাত গ’ল্ডেন গ্লোবছৰ বাবে মনোনীত হয়।ইয়াৰ উপৰি এই তালিকাত টেইলৰ চুইফটৰ ‘কেৰোলিনা’, লেডী গাগাৰ ‘টপ গান : মেভেৰিকোৰ ‘হল্ড মাই হেণ্ড’, ‘ব্লেক পেন্থাৰ : ৱাকাণ্ডা ফৰ এভাৰোৰ ‘লিফ্ট মি আপ’ আদি অন্তৰ্ভুক্ত কৰা হৈছিল।
কিন্তু অৱশেষত এম এম কীৰাৱনী, কলা ভৈৰব আৰু ৰাহুল চিপলিগুঞ্জৰ কণ্ঠৰ ‘নাটু নাটু’ গানটিয়ে সকলোৰে মন জয় কৰে।এই অনুষ্ঠানৰ মঞ্চত বঁটা গ্ৰহণ কৰিবলৈ উঠি যায় ছবিখনৰ সংগীত পৰিচালক এম এম কীৰাৱনী। বঁটা গ্ৰহণ কৰি তেওঁ কয়, “এই বঁটা মোৰ ভাই এছ এছ ৰাজামৌলিৰ। লগতে এই গীতটোত অবিশ্বাস্য শক্তিৰে নৃত্য কৰাৰ বাবে ৰাম চৰণ আৰু জুনিয়ৰ এনটিআৰক ধন্যবাদ।”
উল্লেখ্য, ‘আৰ আৰ আৰ’ গ’ল্ডেন গ্লোবছ এৱাৰ্ডত শ্ৰেষ্ঠ বিদেশী ভাষাৰ চলচ্চিত্ৰ শাখাতো মনোনীত হৈছিল। কিন্তু পুৰস্কাৰ আধৰুৱা হৈ ৰয়। এই শাখাত শ্ৰেষ্ঠ খিতাপ লাভ কৰে ‘আৰ্জেন্টিনা, ১৯৮৫’ ছবিখনে।শনিবাৰে লছ এঞ্জেলছত ছবিখনৰ বিশেষ প্ৰদৰ্শনত অংশগ্ৰহণ কৰে ৰাজামৌলি আৰু সহ-অভিনেতা জুনিয়ৰ এন টি আৰ।
এই ছবিখন চাই অস্কাৰ কমিটীৰ সদস্যসকলে প্ৰশংসাৰে উপচাই পেলায়। ‘আৰ আৰ আৰ’ ছবিখনক ভাৰতীয় দৰ্শকেও কম শলাগ লোৱা নাছিল। মাৰ্চ মাহত মুক্তি পোৱাৰ কম সময়ৰ ভিতৰতে ছবিখনৰ ব্যৱসায়ে ১২০০ কোটি টকাৰ সীমা অতিক্ৰম কৰিছে।
