এইবাৰ টুইটাৰত ট্ৰেণ্ডিঙত বৰ্জনৰ দাবী আলিয়া ভাটৰ ছবিকঃ

আমিৰ খানৰ ‘লাল সিং চাড্ডা’ আৰু অক্ষয় কুমাৰৰ ‘ৰক্ষাবন্ধন’ৰ পিছত, এতিয়া আলিয়া ভাট আৰু তেওঁৰ দ্বাৰা প্ৰযোজিত প্ৰথমখন ছবি ‘ডাৰ্লিংছ’ ক বৰ্জন কৰাৰ দাবী উত্থাপন হৈছে।

দৰাচলতে, বয়কট আলিয়া ভাট বুলি (#BoycottAliaBhatt) এই মুহূৰ্তত ছ’চিয়েল মিডিয়াত ট্ৰেণ্ডিঙত হৈ আছে। উল্লেখ্য যে, মুক্তিৰ মাত্ৰ এদিন পূৰ্বে দৰ্শক সকলৰ মাজৰে একাংশই ছবিখনৰ বিৰুদ্ধে মাত মাতিছে। আলিয়াৰ ছবি ‘ডাৰ্লিংছ’ কাইলৈ অৰ্থাৎ ৫ আগষ্টত নেটফ্লিক্সত মুক্তি পাব। কিন্তু মুক্তিৰ আগতেই ছবিখনৰ তীব্ৰ বিৰোধিতা কৰা হৈছে। 

বাতৰি অনুসৰি, এই চলচ্চিত্ৰখনৰ বিৰুদ্ধে মাত মতা মুখ্য কাৰণটো হৈছে পুৰুষৰ বিৰুদ্ধে ঘৰুৱা হিংসা প্ৰদৰ্শন আৰু প্ৰচাৰ কৰা। চলচ্চিত্ৰখনৰ ট্ৰেইলাৰত এনে বহুতো দৃশ্য দেখুওৱা হৈছে, য’ত আলিয়াই তেওঁৰ স্বামীক হত্যা কৰিবলৈ আগবাঢ়িছে। ছবিখনৰ ট্ৰেইলাৰলৈ চাই, ব্যৱহাৰকাৰীসকলে নিৰ্মাতা আৰু অভিনেত্ৰীগৰাকীৰ ওপৰত ঘৰুৱা হিংসাৰ অভিযোগ উত্থাপন কৰি বৰ্জনৰ দাবী জনাইছে।