কাৰবি আংলং স্বায়ত্তশাসিত পৰিষদৰ নিৰ্বাচনী ব্যস্ততাৰ মাজতে আজি বিয়লি খটখটীয়ে আৰক্ষীয়ে সন্দেহযুক্ত ড্ৰাগছৰ বিৰুদ্ধে লাভ কৰিছে এক বৃহৎ সফলতা লাভ কৰিছে ৷ প্ৰাপ্তখবৰ অনুসৰি এক গোপন খবৰৰ ভিত্তিত খটখটী থানাৰ অচি ৰাজু দুৱৰাৰ নেতৃত্বত উপ-পৰিদৰ্শকদ্বয় আতিকুৰ ৰহমান আৰু স্বমধন স্বৰ্গীয়াৰী আৰু সংগীয় ষ্টাফসহ লাহৰিজান পিডব্লিউডি আইবিৰ ওচৰত অভিযান চলাই ।
লোকৰ পৰা ৫টা চাবোনৰ বাকচত ৬০’৩৪ গ্ৰাম সন্দেহ যুক্ত হেৰইন জব্দ কৰিবলৈ সক্ষম হয় ৷ লোকজনৰ পৰা আৰক্ষীয়ে নগধ ৩৫শ টকা আৰু এটা ৰিয়েলমি মোবাইল হেণ্ডছেচ উদ্ধাৰ কৰিবলৈ সক্ষম হয় ৷
ধৃতলোকজন মৰিগাঁৱৰ লাহৰিঘাট থানা এলেকাৰ ধিঙৰ আঁটিৰ মঃ অহেদ আলীৰ পুত্ৰ এমদাদুল ওৰফে ইমদাদুল (৩৩)ক আটক কৰিবলৈ সক্ষম হয় ৷ উদ্ধাৰ হোৱা সন্দেহযুক্ত হেৰইন আৰু নগদ ধন আৰু মোবাইল হেণ্ডছেটটো বোকাজান মহকুমা আৰক্ষী বিষয়া জন দাসৰ উপস্থিতিত জব্দ কৰা হয় বুলি জানিব পৰা গৈছে ৷
