অসম-অৰুণাচল সীমান্ত (Assam-Arunachal border)ত অৰুণাচলী দুৰ্বৃত্তৰ (Arunachali miscreant) পুনৰ গুলীচালনাৰ (Shoot again) ঘটনা৷ গোগামুখ ৰাজহ চক্ৰ অন্তৰ্গত অসম-অৰুণাচল সীমান্তৱৰ্তী মিংমাঙৰ বদতিত সংঘটিত হৈছে এই গুলীচালনাৰ ঘটনা। এই ঘটনাত আহত হৈছে অসমৰ ৮ জন ব্যক্তি (8 people from Assam injurd)। ইয়াৰে তিনিজনৰ অৱস্থা সংকটজনক বুলি জানিব পৰা গৈছে। আহতকেইজনৰ ভিতৰত ৫ জন বৰ্তমান ধেমাজি অসামৰিক চিকিৎসালয়ত চিকিৎসাধীন হৈ আছে। আনহাতে, তিনিজন লোক গুৰুতৰভাৱে আহত হোৱাত তেওঁলোক ডিব্ৰুগড় অসম চিকিৎসা মহাবিদ্যালয় হাস্পতাললৈ প্ৰেৰণ কৰা হৈছে।
আহত লোককেইজন হৈছে দুৰ্গেশ্বৰ পাতিৰ, ৰোহিত দলে, নাগৰাজ দলে, বিজ্ঞেশ্বৰ পাতিৰ, পামে পেগু, সঞ্জয় টায়ুং, উৎপল দলে আৰু জান দলে৷
জানিব পৰা মতে, অৰুণাচলী দুৰ্বৃত্তই অসমৰ ভূমি বেদখল কৰাত অসমৰ কেইবাজনো লোকে বাধা প্ৰদান কৰাত দুয়োটা ফৈদৰ মাজত কাজিয়াৰ সূত্ৰপাত হয়৷ ইয়াৰ পাছতে অৰুণাচলী দুৰ্বৃত্তই অসমৰ ব্যক্তিসকলক লক্ষ্য কৰি নিৰ্বিচাৰ গুলীচালনা কৰে আৰু ফলত অসমৰ ৮ জন লোক আহত হয়। এই ঘটনাক কেন্দ্ৰ কৰি এতিয়াও সীমান্ত অঞ্চলটোত উত্তেজনাই বিৰাজ কৰিছে আৰু দুয়ো ৰাজ্যৰ আৰক্ষী ঘটনাস্থলীত উপস্থিত হৈ পৰিস্থিতি নিয়ন্ত্ৰণ কৰিছে৷
আনহাতে, এই ঘটনাক লৈ মুখ্যমন্ত্ৰী হিমন্ত বিশ্ব শৰ্মাই প্ৰতিক্ৰিয়া প্ৰকাশ কৰিছে। তেওঁ কয় যে অৰুণাচলী দুৰ্বৃত্তৰ গুলীত অসমৰ কেইবাগৰাকী লোক আহত হৈছে। এই ঘটনাৰ তদন্তৰ নিৰ্দেশ ইতিমধ্যে দিয়া হৈছে৷ অসম আৰু অৰুণাচলৰ মুখ্য সচিবৰ মাজত ইতিমধ্যে আলোচনা হৈছে। ডিজিপিয়েও আলোচনা কৰি আছে আৰু কোনো কাৰণতে যাতে অসমৰ মাটি ক’তো এৰি দিবলগীয়া নহয় তাৰ বাবে অসম আৰক্ষীক নিৰ্দেশ দিয়া হৈছে। ইয়াৰ উপৰি আহত অসমৰ আটাইকেইগৰাকী লোকৰ চিকিৎসাৰ ব্যৱস্থা কৰা হ’ব বুলিও মুখ্যমন্ত্ৰীয়ে উল্লেখ কৰে।
