বৃহস্পতিবাৰে ডিফুৰ ছাৰচিং টেৰণ (লাংকুং হাবে) সোঁৱৰণি টাউন হলত মুখ্যমন্ত্ৰীৰ নিযুত মইনা আঁচনি (Nijut Moina scheme) আৰু নিযুত বাবু আঁচনিৰ (Nijut Babu scheme) বাবে আবেদন-পত্ৰ বিতৰণ (Application form distribution) অনুষ্ঠান অনুষ্ঠিত হয়। অনুষ্ঠানত মুখ্য অতিথি হিচাপে উপস্থিত থাকে কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তথা বিধায়ক ডঃ তুলিৰাম ৰংহাং।
ছাত্র-ছাত্রীসকলৰ মাজত এই আঁচনিৰ আবেদন-পত্র প্ৰদান বিতৰণ কৰি তুলিৰাম ৰংহাঙে (Dr. Tuliram Ronghang) কয় যে শিক্ষাৰ ক্ষেত্ৰত ৰাজ্য চৰকাৰে বিভিন্ন কল্যাণমূলক আঁচনি ৰূপায়ণ কৰিছে।
এই আঁচনিসমূহৰ সুবিধা গ্ৰহণ কৰিবলৈ তেওঁ ছাত্ৰ-ছাত্ৰীসকলক আহ্বান জনায়। এই আঁচনি শিক্ষাৰ ক্ষেত্ৰত আৰ্থিক সহায়ৰ লগতে বিদ্যালয়-মহাবিদ্যালয়সমূহত ছাত্ৰ-ছাত্ৰীৰ নামভৰ্তি বৃদ্ধি কৰাৰ লক্ষ্যৰে কৰা হৈছে বুলি তেওঁ উল্লেখ কৰে। এই আবেদন-পত্ৰ বিতৰণ অনুষ্ঠানত বিভিন্ন বিদ্যালয় তথা মহাবিদ্যালয়ৰ ছাত্ৰ-ছাত্ৰী, অভিভাৱক, শিক্ষা বিভাগৰ বিষয়ববীয়া প্ৰমুখ্যে বিভিন্ন ব্যক্তিসকল উপস্থিত থাকে।
এই অনুষ্ঠানৰ পিছত ডিফুৰ তাৰালাংছ’স্থিত ছেৰতালিন প্ৰেক্ষাগৃহত ৰংখাং বিধানসভা সমষ্টিৰ অধীনস্থ শিক্ষা, স্বাস্থ্য, কৰ্ম সংস্থাপন আৰু সীমা সমস্যা আদি বিষয়ৰ ওপৰত ছাত্ৰ-ছাত্ৰীসকলৰ সৈতে এক মত বিনিময় অনুষ্ঠানত অংশগ্ৰহণ কৰে। ইয়াৰ লগতে মুখমন্ত্ৰীৰ সাহায্য পুঁজিৰ অধীনত ৰংখাং বিধানসভা সমষ্টিৰ ছাত্ৰ-ছাত্ৰী তথা অন্যান্য হিতাধিকাৰীৰ মাজত আর্থিক সাহায্যৰ চেক বিতৰণ কৰে।
