সোমবাৰৰ পৰা দুদিনীয়াকৈ অনুষ্ঠিত কাৰ্বি আংলং স্বায়ত্তশাসিত পৰিষদ (Karbi Anglong Autonomous Council)ৰ বাজেট অধিৱেশন (Budget Session)ৰ মঙলবাৰে সামৰণি পৰে। চেচন হলত দুদিনীয়া কাৰ্যসূচীৰে অনুষ্ঠিত পৰিষদৰ ২০২৬-২৭ বিত্তীয় বৰ্ষৰ (Financial year 2026-27) বাবে ১১৩৬.৩৫ কোটি টকা (Rs. 1136.35 crore)ৰ বাজেট গৃহীত (Budget approved) হয়।
সোমবাৰে মুখ্য কাৰ্যবাহী সদস্য ডঃ তুলিৰাম ৰংহাঙে সদনত দাখিল কৰা পৰিষদৰ অন্তৰ্নিহিত বিষয় বাজেটৰ ওপৰত মঙলবাৰে বিস্তৃত আলোচনা হয়। এই বাজেট আলোচনাত কাৰ্যবাহী সদস্য ডঃ উফিং মাচলাই, মাধুৰ্য ঢেকিয়াল ফুকন, প্ৰভাত চন্দ্ৰ টাৰ’, তিলোতমা হাচনু আৰু এম এ চি জনী তিমুঙে অংশগ্ৰহণ কৰে।
তেওঁলোকে বিত্ত বিভাগৰ দায়িত্বত থকা মুখ্য কাৰ্যবাহী সদস্য ডঃ তুলিৰাম ৰংহাঙৰ সবল নেতৃত্বত প্ৰস্তুত কৰা এই বাজেটত দুই পাৰ্বত্য জিলাৰ ৰাইজৰ আশা-আকাংক্ষাৰ প্ৰতিফলন ঘটা বুলি উল্লেখ কৰে। লগতে এই বাজেট দাখিল কৰাৰ বাবে তেওঁলোকে মুখ্য কাৰ্যবাহী সদস্য তুলিৰাম ৰংহাঙক ধন্যবাদ জ্ঞাপন কৰে।
আনহাতে, বাজেট আলোচনাত অংশগ্ৰহণ কৰা বাবে সদস্যসকলক ডঃ তুলিৰাম ৰংহাঙে ধন্যবাদ জনাই তেওঁলোকৰ পৰামৰ্শ আৰু সহযোগিতা কামনা কৰে। তেওঁ লগতে কয় যে কাৰ্বি আংলঙৰ সকলো নাগৰিকৰ সম-বিকাশ আৰু সম-উন্নয়নৰ বাবে আটাইকেইটা পৰিষদীয় সমষ্টিতে সৰ্বসাধাৰণৰ সৈতে অন্তৰংগ আলোচনাত মিলিত হৈ স্থানীয় ৰাইজৰ অভাৱ-অভিযোগ তথা সমস্যাসমূহৰ খতিয়ান ল’ব আৰু সেইবোৰ সমাধানৰ বাবে আঁচনি প্ৰস্তুত কৰিব।
