স্বাধীনোত্তৰ অসমৰ আটইতকৈ প্ৰলয়ংকৰী বানে ঐতিহাসিক শিৱসাগৰ নগৰৰ লগতে প্ৰায় সমগ্ৰ নগৰখন তচনচ কৰি গ’ল ৷ পাৰ হৈ যোৱা প্ৰলয়ে পুৰণি শিৱসাগৰ জিলাৰ হাজাৰ হাজাৰ পৰিয়ালক একপ্ৰকাৰ সৰ্বশ্ৰান্ত কৰি গ’ল ৷
শিৱসাগৰ জিলাৰ বিপদগ্ৰস্ত জনতাৰ লগত থিয় হৈছে সমগ্ৰ ৰাজ্যৰ জনতা;স্বেচ্ছাসেৱী সংগঠনৰ কৰ্মকৰ্তা; শিল্পী; সাহিত্যিক আৰু মানৱদৰদী ৰাইজ ৷
শিৱসাগৰত এইকেইদিন বিপদগ্ৰস্ত জনতাক সহায় কৰাত ৰাইজৰ ওচৰত চৰকাৰ অস্তিত্বহীন পৰাৰ দৰে হৈছে ৷
ৰাইজক বিপদৰ সময়ত সহায় কৰাৰ বাবে কাৰবি আংলং জিলাৰ ডিফু; বোকাজান; বকলীয়া; হাওৰাঘাট; বালিপথাৰ; মানজা আদিৰ মানৱদৰদী ৰাইজ থিয় হৈছে ৷
ডিফুৰ চুকাফা ভৱন আৰু ধৰমনলা নামঘৰত টাই সাংস্কৃতিক সমাজ আৰু নামঘৰৰ মহিলা সমাজৰ আহৱানত ডিফু; মানজাৰ সকলো শ্ৰেণীৰ জনতাই সাহাৰ্য্য সামগ্ৰী আগবঢ়ায় ৷ একেদৰে শুকানজান মহিলা সমিতিয়েও ডিফুৰ দলটোৰ হাততে তেওঁলোকে সংগ্ৰহ কৰা সামগ্ৰী প্ৰদান কৰে ৷
খাদ্য সামগ্ৰী; নতুন-পুৰণি কাপোৰ; বাচন; আঠুৱা; পশু খাদ্য; ফেনাইল; ব্লিচিং পাউদাৰ;পানীকে ধৰি বহু সামগ্ৰী কালি পানবেচা; তাঁতিপথাৰ বৰভেটি; কলজপিয়া আৰু নিমাইজানত বিতৰণ কৰে ৷ সামগ্ৰী সমূহৰ লগতে নগদ প্ৰায় ৫০ হাজাৰ টকা বৃদ্ধ আৰু অভাৱগ্ৰস্ত জনতাক দিয়ে ৷
এখন এল পি ট্ৰাক আৰু এখন টাটা ডি আই গাড়ীত ডিফুৰ জনতাই দিয়া সামগ্ৰী সমূহ শিৱসাগলৈ নি নিশা ৯ বজালৈকে বিতৰণ কৰে উদ্যোক্তা সকলে ৷ এল পি ট্ৰাকখন ভিতৰুৱা এলেকালৈ নিয়াত অসুবিধা হোৱাত আন এখন মিনি ডাম্পাৰ ভাড়া কৰি দুখন গাড়ীৰে দলটো যায় ভিতৰুৱা এলেকালৈ ৷
নাৱেৰে গৈয়ো দিয়া হয় সাহাৰ্য্য সামগ্ৰী ৷ নিশা অধিক হোৱাত নেপালীখুটিৰ সামগ্ৰী খিনি দিৱলৈ স্হানীয় এটি স্বেচ্ছাসেৱী দলক দায়িত্ব দি আহে উদ্যোক্তা সকলে৷ আজি পুৱাৰে পৰা তেওঁলোকে সাহাৰ্য্য বিতৰণ কৰিছে ৷ ডিফুৰ উপৰি কালি বালিপথাৰ; দিলাউজান; জপৰাজান; সৰিয়হজানৰ লোক সকলেও সাহাৰ্য্য সামগ্ৰী আৰু চিকিৎসা সেৱা আগবঢ়াই দুৰ্গত জনতাক ৷
ডিফুৰ সকলো স্তৰৰ জনতাই সহায় কৰাৰ লগতে বিশেষভাৱে সহায় কৰে অৱসৰপ্ৰাপ্ত ভাৰতীয় প্ৰশাসনিক সেৱাৰ বিষয়া জয়শ্ৰী দাউলাগপু; গুৱাহাটীৰ মণিমালা পাত্ৰ; ৰজিতা কাকতিৰ পৰিয়াল; প্ৰাৰ্থনা গগৈ; উন্নয়ন বিষয়া জে এছ ইংলেং;মানজাৰ সুপৰ্ণা দেৱনাথৰ পৰিয়াল; আৰাধনা দাস; নয়ন পাঠকৰ পৰিয়াল আৰু স্বপ্নলোকৰ হৈ সম্পাদিকা নিবেদিতাই ৷ উদ্যোক্তা সকলে সকলোৰে লগতে তেওঁলোককো আন্তৰিক ধন্যবাদ জ্ঞাপন কৰে ৷
শিৱসাগৰৰ যুৱক কৌশিক গগৈ; উদীপ্ত বৰগোহাঞি; আকন্ত কোঁৱৰ; হেমন্ত বৰা; দিগন্ত লাহন; সুৰেশ গগৈ; আৰু বিপ্লৱ কোঁৱৰে কৰা সহায়ৰ বাবে আন্তৰিক ধন্যবাদ জনায় উদ্যোক্তা সকলে ৷ উদ্যোক্তা সকলে জানিবলৈ দিছে যে আন কিছু শৈক্ষিক আৰু ঘৰুৱা সামগ্ৰী লৈ দলটো শীঘ্ৰে সকলো সপোন শেষ হৈ যোৱা নেপালী খুটিলৈ ৰাওনা হ’ব ৷
