কেৱলত ৰন্ধনত স্বাদ বৃদ্ধিয়েই নহয়, প্রাচীন আয়ুর্বেদ শাস্ত্রতো উল্লেখ আছে হিঙৰ। সোৱাদৰ উপৰি স্বাস্থ্যগুণতো হিং অত্যন্ত উপকাৰী বুলি মত বিশেষজ্ঞসকলৰ একাংশৰ।
১। এন্টি-অক্সিডেন্ট হিচাবে
হিঙত থাকে প্রচুৰ পৰিমাণে ফ্লেভিনয়েড নামৰ উপাদান। এই উপাদানবোৰ এন্টি-অক্সিডেন্ট হিচাবে অতি কার্যকৰী বুলি মত বহুতৰে। এই ধৰণৰ উপাদানে ৰোগ প্রতিৰোধ ক্ষমতা বৃদ্ধি আৰু প্রদাহ কমোৱাত সহায় কৰে।
২। হজমত
প্রাচীন কালৰ পৰাই হজমৰ উন্নতিত ব্যৱহৃত হৈ আহিছে হিং। সাম্প্রতিক কিছু গৱেষণায়ো ইঙ্গিত কৰিছে সেই দিশেই। বিশেষজ্ঞসকলৰ একাংশই কয়, হিঙে বিভিন্ন পাচক উৎসেচকৰ ক্ষৰণ বৃদ্ধি কৰাত সহায় কৰে।
সেয়ে হিং খালে কমিব পাৰে বদহজম আৰু পেট পোৰাৰ দৰে সমস্যা। হিঙে পিত্তৰসৰ ক্ষৰণ স্বাভাবিক ৰাখিবলৈও সহায় কৰে বুলি কোনো কোনোৱে কয়। ইৰিটেবল বাৱেল ছিনড্রম নিৰাময়তো হিঙে সহায় কৰে বুলি বহুতৰে মত।
৩। ঋতুস্রাৱৰ সময়ত
ঋতুস্রাৱৰ সময়ত বহুতেই পেশীৰ টান আৰু অনিয়মিত ৰক্তক্ষৰণৰ দৰে সমস্যাত আক্রান্ত হয়। বহুতৰে মতে, এই সমস্যাবোৰৰ পৰা তৎক্ষণাৎ আৰাম পাবলৈ কামত লাগিব পাৰে হিং।
অৱশ্যে মনত ৰাখিব লাগিব যে সকলোৰে শৰীৰ সমান নহয়। সেয়ে সকলো খাদ্য সকলোৰে বাবে উপকাৰী নহ’বও পাৰে। তাৰ উপৰি এনে ধৰণৰ খাদ্যৰ উপকাৰিতাৰ বিষয়ে নিশ্চিত হ’বলৈ আৰু বিস্তাৰিত গৱেষণা প্রয়োজন বুলিও বহুতৰে মত। ফলত নিয়মিত খোৱাৰ আগতে বিশেষজ্ঞসকলৰ পৰামর্শ লোৱাটোৱেই বাঞ্ছনীয়।