এয়া ধৈৰ্য আৰু অধ্যৱসায়ৰ ফল (result of patience and perseverance)। কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ পিছত চিকিৎসালয়ৰ পৰা প্ৰতিবাদকাৰী ছাত্ৰ-ছাত্ৰীক সোণম ৱাংচুকে (Sonam Wangshuk) দিয়ে এই বাৰ্তা। শনিবাৰে ককৰোচ জনতা পাৰ্টীৰ কেন্দ্ৰৰ সৈতে বৈঠক অনুষ্ঠিত হয়। কিন্তু তাৰ ডেৰ ঘণ্টাৰ আগতেই ধৰ্মেন্দ্ৰই পদৰ পৰা পদত্যাগ কৰিছিল। উল্লেখ্য যে চিজেপিৰ তিনিটা দাবীৰ ভিতৰত এটা আছিল কেন্দ্ৰীয় শিক্ষামন্ত্ৰীৰ পদত্যাগ। দাবী পূৰণ হোৱাৰ পিছতে চিকিৎসালয়ৰ পৰা ছাত্ৰ-ছাত্ৰীসকলক বাৰ্তা প্ৰদান কৰে ৱাংচুকে। ৱাংচুকে নিজৰ হেণ্ডেলত লিখিছে, “এয়া গণতন্ত্ৰৰ জয়। শান্তি, অধ্যৱসায় আৰু ধৈৰ্যৰ বাবে জয়।” ইয়াৰ পিছত তেওঁ চিজেপিক আৰু জেন জিকো ধন্যবাদ জ্ঞাপন কৰে। এই আন্দোলনত তেওঁলোকৰ কাষত থিয় দিয়াৰ বাবে দেশবাসীক ধন্যবাদ জনায়। কিছুদিন পূৰ্বে তেওঁক দিল্লীৰ ছফদৰজং হাস্পতালৰ পৰা হাৰিয়ানাৰ গুৰুগ্ৰামৰ এখন চিকিৎসালয়লৈ স্থানান্তৰ কৰা হৈছিল। তাৰ পৰাই ৱাংচুকে প্ৰতিবাদকাৰীক বাৰ্তা প্ৰদান কৰে। হস্পিটেলৰ বিছনাত বহি হাঁহি আছে। বাওঁহাতৰ দুটা আঙুলিৰে ‘ভিক্টৰী ছাইন’। পোহৰলৈ আহিছে সোণমৰ এই ছবিখন।
বিগত কিছুদিন ধৰি নীট প্ৰশ্নকাকত ফাদিল আৰু কেন্দ্ৰীয় শিক্ষামন্ত্ৰীৰ পদত্যাগক লৈ দিল্লী অস্থিৰ হৈ পৰিছে। ক্ৰমান্বয়ে এই আন্দোলন দেশৰ অন্যান্য ৰাজ্যতো বিয়পিবলৈ আৰম্ভ কৰে। বিগত দুদিনত কেন্দ্রই চিজেপিৰ সৈতে দুখনকৈ বৈঠকত মিলিত হয়৷ চিজেপিৰ তিনিখন বৈঠকৰ ভিতৰত দুখন বৈঠকত কেন্দ্রই সন্মতি দিলে৷ কিন্তু ধৰ্মেন্দ্ৰ প্ৰধানৰ পদত্যাগক লৈ উত্তেজনাৰ সৃষ্টি হৈছিল। আৰু এই উত্তেজনাৰ মাজতে চিজেপিয়ে সকীয়াই দিছিল যে ধৰ্মেন্দ্ৰ প্ৰধানে পদত্যাগ নকৰালৈকে এই আন্দোলন চলি থাকিব। শনিবাৰে দুয়োপক্ষৰ তৃতীয়খন বৈঠক আছিল। কিন্তু তাৰ আগতে কেন্দ্ৰীয় শিক্ষামন্ত্ৰীগৰাকীয়ে পদত্যাগ কৰে। ধৰ্মেন্দ্ৰ প্ৰধানৰ পদত্যাগক ‘পঁইতাচোৰা’ই তেওঁলোকৰ সৰ্ববৃহৎ জয় হিচাপে লক্ষ্য কৰিছে।
