বিগত বৰ্ষৰ ডিচেম্বৰত মুক্তিপ্ৰাপ্ত ‘পুষ্পা – দ্য ৰাইজ’ ছবিখনে দক্ষিণৰ পৰা উত্তৰলৈ যথেষ্ট চৰ্চাৰ সৃষ্টি কৰিছিল। ছবিখন কেইবা সপ্তাহধৰি ছবিগৃহত অব্যাহত আছিল আৰু ব্লকবাষ্টাৰ হিচাবে প্ৰমাণিত হৈছিল।
ছবিখনৰ মুখ্য অভিনেতা আল্লু অৰ্জুনৰ অভিনয় শৈলীয়ে বৰ্তমানেও দৰ্শক সকলক আকৰ্ষিত কৰি ৰাখিছিল আৰু সেইকাৰণে হয়তো তেওঁ আল্লু অৰ্জুনক আকৌ এবাৰ পৰ্দাত চাবলৈ আগ্ৰহেৰে অপেক্ষা কৰি আছে।
একে সময়তে, চলচ্চিত্ৰখনৰ নিৰ্মাতাসকলেও ‘পুষ্পা ২” ক আগৰ তুলনাত অধিক আকৰ্ষণীয় কৰি তুলিবলৈ চেষ্টা অব্যাহত ৰাখিছে। আপোনালোকক জনাও যে, আল্লু অৰ্জুনে “পুষ্পা ২” ৰ বাবে যি মাছুল লৈছে, সেই মাছুলে আপোনাক হতবাক কৰি তুলিব।
ছবিখনৰ প্ৰথমটো সংস্কৰণত ৰঙা চন্দন কাঠৰ চোৰাং ব্যৱসায়ী পুষ্পা ৰাজৰ চৰিত্ৰৰে আল্লুৱে কোটি কোটি লোকৰ হৃদয় জয় কৰিছিল। ইয়াৰ লগে লগে তেওঁ সমগ্ৰ ভাৰতৰ অভিনেতাসকলৰ মাজত শীৰ্ষত স্থান লাভ কৰিবলৈ সক্ষম হৈছে।
সেইবাবেই শেহতীয়াকৈ অভিনেতা গৰাকীয়ে তেওঁৰ মাচুল বৃদ্ধি কৰিবলৈ নিৰ্ধাৰণ কৰিছে, অভিনেতা গৰাকীয়ে তেওঁৰ মাচুল হিচাবে ‘পুষ্পা ২’ ৰ বাবে সম্পূৰ্ণ বাজেটৰ এক চতুৰ্থাংশ সংগ্ৰহ কৰিছে। ‘পুষ্পা’ৰ প্ৰথম অংশৰ বাজেট আছিল ২০০ কোটি আৰু চিকুৱেলৰ বাজেট ৪০০ কোটিলৈ বৃদ্ধি কৰা হৈছে।
বাতৰি অনুসৰি, আল্লু অৰ্জুনে ‘পুষ্পা ২” ৰ বাবে ১০০ কোটি টকা আদায় কৰিছে। যিটো শুনি সকলো আচৰিত হৈছে। যদি আল্লু অৰ্জুনে ইমানেই মাচুল লয়, ই হৈছে তেওঁ এখন ছবিৰ বাবে লোৱা সৰ্বাধিক মাচুল।
ছবিখনৰ বিষয়ে ক’বলৈ গ’লে, সুকুমাৰৰ পৰিচালিত ‘পুষ্পা’ৰ চিকুৱেলৰ বিষয়ে দ্ৰুত গতিত কাম চলি আছে আৰু ছবিখন সোনকালেই দৰ্শকৰ মাজত মুক্তি লাভ কৰিব। ‘পুষ্পা ২’ অহা বছৰ অৰ্থাৎ ২০২৩ চনত মুক্তি দিয়াৰ পৰিকল্পনা কৰা হৈছে। ৰশ্মিকা মান্দান্নাক আকৌ এবাৰ ছবিখনৰ দ্বিতীয় খণ্ডত আল্লুৰ সৈতে ৰোমাঞ্চ কৰা দেখা যাব।
Total views : 4458930
Who's Online : 22
