বলীউডৰ চুপাৰষ্টাৰ চলমান খানে আহিবলগীয়া একচন ছবি “ধাকড়” ৰ সৈতে জড়িত টীমটোক আন্তৰিক শুভকামনা জ্ঞাপন কৰিছে। ছবিখনৰ নতুন ট্ৰেইলাৰ শেহতীয়াকৈ ইউটিউবত মুকলি কৰা হৈছে।
চলমান খানে এই ট্ৰেইলাৰটোকেই তেওঁৰ সামাজিক মাধ্যমত শ্বেয়াৰ কৰি সকলোলৈ শুভেচ্ছা বাৰ্তা প্ৰেৰণ কৰে। এই একচন ছবিখন ৰজনীশ ৰজি ঘাইৰ দ্বাৰা পৰিচালিত তথা দীপক মুকুট আৰু চোহেল মেকলাইৰ দ্বাৰা প্ৰযোজিত।
“ধাকড়” ছবিখনত মুখ্য চৰিত্ৰ ৰূপায়ণ কৰিছে এগৰাকী মহিলাই। এক আড়ম্বৰপূৰ্ণ বাজেটত নিৰ্মিত স্পাই থ্ৰিলাৰ “ধাকড়” হৈছে এগৰাকী অভিনেত্ৰীৰ প্ৰথম খন ডাঙৰ বহুভাষিক ছবি, যিখন সমগ্ৰ দেশতে মুক্তি পাব।
“ধাকড়” ৰ নতুন ট্ৰেইলাৰ শ্বেয়াৰ কৰি চলমান খানে লিখে যে, “ধাকড় টীমলৈ শুভেচ্ছা।” তেওঁ প্ৰযোজক চোহেল মেকলাইৰ সৈতে কংগনা ৰাণাৱট আৰু অৰ্জুন ৰামপালকো টেগ কৰিছে।
