ASSAM TIMES POST
অজন্তা তালুকদাৰ, বোকাখাতঃ বোকাখাত মহকুমা কবি সন্মিলনৰ প্ৰথম দ্বি-বাৰ্ষিক অধিবেশনখনি অহা ১ ছেপ্টেম্বৰত বোকাখাত পুৱতি সাহিত্য সভা ভৱনত দিনৰ এক বজাৰ পৰা অনুষ্ঠিত হ’ব।
অধিবেশনৰ লগত সংগতি ৰাখি এখনি কবি সন্মিলনৰো আয়োজন কৰা হৈছে৷ ৩১ আগষ্টৰ বিয়লি ৩ বজাত সন্মিলনৰ কাৰ্যনিৰ্বাহ সভা অনুষ্ঠিত হ’ব। আনহাতে ১ ছেপ্টেম্বৰৰ পুৱা ৯ বজাত সাধাৰণ পৰিষদৰ বৈঠক অনুষ্ঠিত হ’ব বুলি বোকাখাত মহকুমা কবি সন্মিলনৰ সভাপতি অমৰ শৰ্মাই জানিবলৈ দিছে।
বিষয়বাব অনুযায়ী বিষয়ববীয়া, সদস্য আৰু শুভাকাংক্ষী কবিতানুৰাগী সকলক কেউটি অনুষ্ঠানতে অংশগ্ৰহণ কৰিবলৈ সন্মিলনৰ হৈ সভাপতিয়ে আমন্ত্ৰণ জনাইছে৷
