ASSAM TIMES POST
ডিফুঃ কাৰবি আংলঙৰ সদৰ চহৰ ডিফুত ক্ৰমাৎ বৃদ্ধি পাই অহা অসামাজিক কাৰ্যকলাপ, মদ, ড্ৰাগছ, জুৱা নাৰীদেহ ব্যৱসায় আদিৰ বিৰুদ্ধে সৰৱ হৈ পৰিছে কেএছএ, কেএনচিএকে আদি কৰি বিভিন্ন দল সংগঠন৷
এইলৈ আজি ডিফু চহৰৰ মাজেৰে হাতে হাতে প্লে’কাৰ্ড, বেনাৰ ফেষ্টুন আদিলৈ কেএছএ, কেএনচিএ ,কেএ ডব্লিউ জেএফ, এছৱাইজে, এছৱাইচি, কেইউঅ’, আইপোৱা,ইউকেএডব্লিএ, এআইএছএ, আৰআইৱাইএ আৰু ইউকেৱাইএ সংগঠন সমূহে ডিফু চহৰৰ মাজেৰে উপায়ুক্ত কাৰ্যালয়লৈ যুটীয় সমদল বাহিৰ কৰাৰ লগত জিলা উপায়ুক্তৰ ওচৰত এক স্মাৰক পত্ৰ অৰ্পণ কৰে৷
প্ৰতিবাদ কাৰী সকলে নিচাজাতীয় সামগ্ৰী তথা অসামাজিক কাৰ্যকলাপ বিৰুধী আৰু প্ৰতিৰোধৰ বাবে বিভিন্ন শ্ল’গান দি ডিফুৰ আকাশ -বতাহ উত্তাল কৰি প্ৰতিবাদ সাব্যস্ত কৰে৷ কেএনচিএৰ সাধাৰণ সম্পাদিকা প্ৰতিমা ইংহিপী আৰু কেএছএৰ উপদেষ্টা লাইচান ইংলেঙে সাংবাদিকৰ সৈতে হোৱা বাৰ্তালাপত চহৰখনত প্ৰতি দিনে বৃদ্ধি পাই অহা অসামাজিক, কাৰ্যকলাপ নাৰীদেহ ব্যৱসায়, মদ, জুৱা, ড্ৰাগছ সেৱন আদি বৃদ্ধি পাই অহাত উদ্বেগ প্ৰকাশ কৰে , নেতা দুগৰাকীয়ে গ্ৰাম্যাঞ্চলত আৰ্থিক সংকটত ভুগি ডিফুত কলেজীয়া শিক্ষা গ্ৰহণ কৰিবলৈ অহা একাংশ ছাত্ৰীক চহৰখনৰ এচাম পূঁজীপাতি লোকে টকাৰ লোভ দি বিপথে পৰিচালিত কৰিবলৈ বাধ্য কৰাৰ লগতে চহৰ খনৰ একাংশ হোটেল ৰেষ্টুৰেণ্টতো নাৰীদেহ ব্যৱসায় চলাৰ অভিযোগ লাভ কৰা বুলি জানিবলৈ দিয়ে ৷
যুৱ-প্ৰজন্মৰ মাজত ড্ৰাগছৰ আসক্তি বৃদ্ধি পাই অহাৰ ফলত ডিফু চৰকাৰী মহাবিদ্যালয়, ইউনিভাৰচিটি আৰু বিদ্যালয় সমূহৰ শৈক্ষিক পৰিবেশ বিনষ্ট হৈছে বুলি কয় ৷ ইয়াৰেপৰি চহৰখনৰ বিভিন্ন স্থানত গঢ়ি উঠা মদ, জুৱাৰ আড্ডাক উৎখাত কৰা কাৰ্যত প্ৰশাসনৰ লগতে আৰক্ষী প্ৰশাসনক গুৰুত্বপূৰ্ণ ভূমিকা লবলৈ আহ্বান জনায় ৷ চহৰখনত এক সুস্থ সামাজিক আৰু শৈক্ষিক পৰিবেশ গঢ়ি তুলিবলৈ আহ্বান জনায় নেতা দুগৰাকীয়ে৷ সমদলৰ শেষত জিলা উপায়ুক্ত মুকুল কুমাৰ শইকীয়াক নিজৰ দাবী সম্বলিত এক স্মাৰক পত্ৰ অৰ্পণ কৰে সংগঠন সমূহৰ নেতৃবৰ্গই৷
