নগাঁৱৰ (Nagaon) চিআৰপিএফ কেম্পত (CRPF Camp) মঙলবাৰে পুৱা সংঘটিত হয় এক ভয়ংকৰ ঘটনা৷ কাটিমাৰি গ্ৰাণ্টত অৱস্থিত চিআৰপিএফ শিবিৰত সতীৰ্থৰ গুলীত নিহত (Killed in a Colleague’s shooting) হয় দুজনকৈ চিআৰপিএফ জোৱান (Two CRPF soldiers)। আনহাতে, সতীৰ্থক গুলীয়াই হত্যা কৰাৰ পিছত নিজেও আত্মহত্যাকৰে। নিজৰ ছাৰ্ভিচ পিষ্টলেৰে মূৰত গুলীয়াই আত্মহত্যা কৰে জোৱানজনে। আনহাতে, সংকটজনক অৱস্থাত চিকিৎসাধীন হৈ আছে আন এজন জোৱান। প্ৰথমে তেওঁক নগাঁৱৰ এখন ব্যক্তিগত চিকিৎসালয়ত ভৰ্তি কৰোৱা হৈছিল যদিও উন্নত চিকিৎসাৰ বাবে তেওঁক গুৱাহাটীলৈ প্ৰেৰণ কৰা হয়।
অৱশ্যে কি কাৰণত চিআৰপিএফ জোৱানজনে এই নিৰ্মম কাণ্ড সংঘটিত কৰিলে সেয়া এতিয়াও জানিব পৰা হোৱা নাই। প্ৰাথমিকভাৱে কিবা কাৰণত তেওঁলোকৰ মাজত কাজিয়াৰ সূত্ৰপাত হোৱাৰ পিছতে এই নৃশংস ঘটনা সংঘটিত কৰা বুলি অনুমান কৰা হৈছে৷ সতীৰ্থক গুলীয়াই আত্মহত্যা কৰা জোৱানজনৰ নাম বাল্লানী প্ৰেমাৰম বুলি জানিব পৰা গৈছে। নিহত আন দুজন জোৱান হৈছে ক্ৰমে এছ আই ৰামন সিং যাদৱ আৰু বিষ্ণুপ্ৰসাদ বাঘাল। আহত আনজন এছ আই হৈছে গোবিন্দ শ্ৰীপাল। ইতিমধ্যে ঘটনাক লৈ চিআৰপিএফে নিজাববীয়াকৈ তদন্ত আৰম্ভ কৰিছে যদিও ঘটনা সন্দৰ্ভত এতিয়ালৈকে কোনো বিতং তথ্য প্ৰদান কৰা নাই৷
