বৃহস্পতিবাৰে চিবিআয়ে গ্ৰেপ্তাৰ (CBI arrested) কৰে নিট প্ৰশ্নকাকত ফাদিল (Neet Question Paper Leak) কেলেংকাৰীৰ এগৰাকী অভিযুক্ত ৰাকেশ ৰঞ্জন ওৰফে ৰকিক (Accused Rakesh Ranjan alias Rocky)। চিবিআইৰ মতে, এই ৰকি হৈছে নিট কাণ্ডৰ অন্যতম কিংপিন।
ইতিমধ্যে ৰঞ্জনক চিবিআইৰ ১০ দিনৰ জিম্মালৈ প্ৰেৰণ কৰা হৈছে। বৃহস্পতিবাৰে চিবিআয়ে দেশৰ চাৰিটা স্থানত তালাচী চলায়। ইয়াৰ ভিতৰত পাটনাত দুটা আৰু কলকাতাৰ দুটা স্থানত তালাচী তলোৱা হয়। উল্লেখ্য যে এই নিট গোচৰত এতিয়ালৈকে দহজনৰো অধিক লোকক গ্ৰেপ্তাৰ কৰা হৈছে। ইয়াৰে ভিতৰত ঝাৰখণ্ডৰ হাজাৰীবাগ বিদ্যালয়ৰ অধ্যক্ষ আৰু উপাধ্যক্ষও আছে।
আনহাতে, এই দুৰ্নীতিক কেন্দ্ৰ কৰি এতিয়া সমগ্ৰ দেশতে তীব্ৰ প্ৰতিক্ৰিয়াৰ সৃষ্টি হৈছে। চিবিআইৰ মতে, এই অপৰাধ চক্ৰটোৰ নেটৱৰ্ক সমগ্ৰ দেশতে বিয়পি আছে। ৰকিৰ উপৰি চিবিআয়ে আৰু ৮ জন লোকক গ্ৰেপ্তাৰ কৰিছে। অৱশ্যে এই কাণ্ডটো ক’ৰ পৰা আৰম্ভ হৈছিল সেয়া এতিয়াও স্পষ্ট কৰা নাই চিবিআয়ে।
