বৃহস্পতিবাৰে বিহাৰৰ গয়াৰ বিষ্ণুপদ মন্দিৰত উপস্থিত হয় অভিনেতা সঞ্জয় দত্ত (Sanjay Dutt)। অৱশ্যে চিনেমাৰ শ্বুটৰ বাবে নহয়, পিণ্ডদান কৰিবলৈহে যায় অভিনেতাগৰাকীয়ে। পিতৃ-মাতৃৰ মৃত্যুৰ পিছত হিন্দু ধৰ্মত পিণ্ডদানৰ প্ৰথা আছে। এইবাৰ মাতৃ নাৰ্গিছ দত্ত আৰু সুনীল দত্তৰ বাবে গয়াত পিণ্ড (Pinda in Gaya) দিলে তেওঁলোকৰ একমাত্ৰ পুত্ৰই। তাতেই অভিনেতাজনে ৰাম মন্দিৰক লৈ এটা ইংগিতদায়ক মন্তব্য কৰে।
বগা পাঞ্জাবী-পাইজামা পিন্ধি সঞ্জয় ডিঙিত টাৱেল লৈ পূজাত বহে। তেওঁ পুৰোহিতৰ কথা সম্পূৰ্ণ ভক্তিৰে পালন কৰে। আনহাতে, অভিনেতাজনৰ গয়াৰ আগমনৰ খবৰ বিয়পি পৰাৰ লগে লগে তেওঁক চাবলৈ মন্দিৰৰ চৌহদত বহু লোকৰ ভিৰ হয়।
অভিনেতাগৰাকীয়ে পিণ্ডদান কৰি ওলাই অহাৰ সময়ত সাংবাদিকৰ প্ৰশ্নৰ সন্মুখীন হ’বলগীয়া হয়। ২২ জানুৱাৰীত ৰাম মন্দিৰ প্ৰতিষ্ঠা সম্পৰ্কে প্ৰশ্ন কৰা হয়। সঞ্জয় দত্তই কয়, “দেশত এনেকুৱা কিবা এটা ঘটি থকাটো ভাল কথা। ময়ো আশীৰ্বাদৰ বাবে তাত উপস্থিত হ’ম।”
উল্লেখযোগ্য যে ২০০৫ চনত সঞ্জয়ে পিতৃক হেৰুৱাইছিল। ইয়াৰ পূৰ্বে অৱশ্যে অভিনেতাগৰাকীয়ে কেইবাটাও ধুমুহাৰ সন্মুখীন হৈছিল। সঞ্জয় যৌৱনকালত ভৰি দিওঁতেই মাতৃ নাৰ্গিছৰ মৃত্যু হয়। ১৯৮১ চনত তেওঁৰ প্ৰথমখন ছবি ‘ৰকি’ মুক্তিৰ মাত্ৰ এসপ্তাহৰ পূৰ্বে মাতৃহাৰা হয় তেওঁ।
