কাছাৰ আৰক্ষীয়ে (Cachar Police)অসম-মিজোৰাম সীমান্ত(Mizoram) অঞ্চলৰ পৰা উদ্ধাৰ কৰিছে ৯ টা বিৰল প্ৰজাতিৰ বন্যজন্তু। কাছাৰৰ আৰক্ষী অধীক্ষক নোমল মহাতোৱে ঢলাই আৰক্ষী থানাত দিয়া এক সংবাদমেলত কয় যে উদ্ধাৰ কৰা জন্তুকেইটাৰ ভিতৰত ৭ টা স্পেইডাৰ বান্দৰ আছে। এইবিধ বিৰল প্ৰজাতিৰ বান্দৰ দক্ষিণ আমেৰিকাৰ মাদাগাস্কাৰ বনাঞ্চলত পোৱা যায়। ইয়াৰ উপৰি কলম্বিয়াৰ পানামা অৰণ্যত পোৱা ২ টা লিমুৰ উদ্ধাৰ কৰা হয়।
তেওঁ লগতে কয় যে এই বন্যপ্ৰাণীকেইটা মিজোৰামৰ চৈফাই অঞ্চল হৈ ভাৰতত প্ৰৱেশ কৰিছিল। পৰিকল্পনা অনুসৰি, বন্যপ্ৰাণীকেইটা কাছাৰ হৈ ভাৰতৰ আন ৰাজ্যলৈ প্ৰেৰণ কৰাৰ কথা আছিল। ৰুটিন পৰীক্ষাৰ সময়ত ঢলাই আৰক্ষীয়ে এখন গাড়ীৰ পৰা জন্তুকেইটা উদ্ধাৰ কৰে। ইয়াৰ পিছত শনিবাৰে বন বিষয়াই এখন পশু এম্বুলেন্সৰ ব্যৱস্থা কৰি প্রাণীকেইটাক গুৱাহাটী চিৰিয়াখানালৈ প্ৰেৰণ কৰে।আনহাতে, আৰক্ষী অধীক্ষকে জনোৱা মতে, এই ঘটনাৰ লগত কোন জড়িত আছে সেইটো এতিয়াও উলিয়াব পৰা নাই যদিও আৰক্ষীয়ে ইয়াৰ সৈতে সম্পৰ্কিত দুজন ব্যক্তিক আটক কৰি সোধা-পোছা অব্যাহত ৰাখিছে।
