পাঁচ দিন অতিক্ৰম পাঠানৰ৷ এইকেইদিনত কেনে ব্যৱসায় কৰিলে শ্বাহৰুখ খানৰ (Shah Rukh Khan) কামবেক ছবি পাঠানে (Pathan)? কোৱা বাহুল্য যে প্ৰথম চাৰিদিনত বক্স অফিচ (Box Office)ত ধুমুহাৰ সৃষ্টি কৰা সিদ্ধাৰ্থ আনন্দৰ পৰিচালিত ছবিখনৰ পঞ্চম দিনতো অব্যাহত থাকিল সেই ধাৰা।‘পাঠানʼৰ হিন্দী সংস্কৰণে দেওবাৰেও প্ৰত্যাশা পূৰণ কৰি যথেষ্ট লাভালাভ কৰে।
প্ৰথম পাঁচ দিনত কিমান ব্যৱসায় কৰিলে পাঠানে ?
শ্বাহৰুখ খান, দীপিকা পাডুকন, জন আব্ৰাহাম অভিনীত ছবি পাঠানে বক্স অফিচত ছুনামীৰ সৃষ্টি কৰে। আৰম্ভণিৰে পৰা এই ছবিখনক লৈ উত্তেজনা তুংগত আছিল, যিটো বক্স অফিচত বাস্তৱায়িত হৈছিল।
আজিৰ দিনটোতে চলচ্চিত্ৰ সমালোচক তথা বাণিজ্য বিশ্লেষক তৰণ আদৰ্শৰ এটা পোষ্টৰ জৰিয়তে ছবিখনৰ দৈনিক উপাৰ্জনৰ কথা ঘোষণা কৰে। তেওঁৰ মতে ছবিখনৰ ব্যৱসায় ‘অবিশ্বাস্য’ আৰু ‘অভাৱনীয়’ আৰু ছবিখনৰ প্ৰথম পাঁচদিনীয়া ব্যৱসায় ‘ঐতিহাসিক’। যোৱা বুধবাৰে অৰ্থাৎ ২৫ জানুৱাৰীত মুক্তি পোৱা ‘পাঠান’ ছবিখনে প্ৰথমদিনাই ৫৫ কোটি টকা উপাৰ্জন কৰিছিল। ইয়াৰ পিছত বৃহস্পতিবাৰে ছবিখনে ৬৮ কোটি, শুকুৰবাৰে ৩৮ কোটি, শনিবাৰে ৫১.৫০ কোটি আৰু দেওবাৰে ৫৮.৫০ কোটি উপাৰ্জন কৰে। অৰ্থাৎ এই ছবিখনৰ হিন্দী সংস্কৰণে দেশত এতিয়ালৈকে মুঠ ২৭১ কোটি টকা উপাৰ্জন কৰিছে।
আনহাতে, ছবিখনৰ তেলেগু আৰু তামিল সংস্কৰণে একেলগে বুধবাৰে ২ কোটি, বৃহস্পতিবাৰে ২.৫০ কোটি, শুকুৰবাৰে ১.২৫ কোটি, শনিবাৰে ১.৭৫ কোটি আৰু দেওবাৰে ২.২৫ কোটি উপাৰ্জন কৰে। যাৰ মুঠ ধনৰাশি ৯.৭৫ কোটি।আনহাতে, সমগ্ৰ বিশ্বতে অব্যাহত আছে ‘পাঠান’ ধুমুহা। এই ছবিখনে ৫০০ কোটিৰ সীমা অতিক্ৰম কৰি মুঠ ৫৪২ কোটি উপাৰ্জন কৰে।
উল্লেখ্য, কৰোনা মহামাৰীৰ পিছত কোনো এখন ছবিয়ে বলীউডত ইমান বৃহৎ ব্যৱসায় কৰিব পৰা নাই। চাৰি বছৰৰ পাছত কিং খানৰ ডাঙৰ পৰ্দালৈ ঘূৰি অহা, বক্স অফিচত ধুমুহা, মুঠতে উচ্ছাসিত বলীউড, আশাবাদী বাণিজ্য বিশ্লেষক। তেওঁলোকে আশা কৰিছিল যে বলীউডৰ এই ছবিখনৰ জৰিয়তে লক্ষ্মী লাভ হ’ব, আৰু সকলোৱে ইয়াকে ঘটি থকা দেখি উৎফুল্লিত হৈ পৰিছে।
ছবিখনৰ এই বৃহৎ সফলতাৰ মাজতে দেওবাৰে হঠাতে মন্নতৰ বেলকনিত উপস্থিত হৈ অনুৰাগীক ধন্যবাদ জনায় শ্বাহৰুখ খানে। আৰু অনুৰাগীসকলে তেওঁক দেখি স্বাভাৱিকতে উত্তেজিত হৈ পৰে। শ্বাহৰুখে কʼলা ফেন্সিঙত থিয় হৈ অনুৰাগীক হাত জোকাৰে। পিন্ধনত
কʼলা চাৰ্ট আৰু পেণ্ট। হাত জোকাৰি দিয়াত অনুৰাগীসকলেও আনন্দত বিস্ফোৰণ ঘটালে। পৰ্দাতেই নহয়, অনুৰাগীৰ মাজতো প্ৰিয় তাৰকা।
