মন্ত্ৰী গৰাকীয়ে কয় যে, প্ৰশাসনে অভিযান চলাই ইতিমধ্যে বেদখল কৰা স্থান মুক্ত কৰাৰ লগতে বেদখলকৃত ভূমিত হোৱা নিৰ্মাণৰো উচ্ছেদ কৰিব। উল্লেখ্যযোগ্য যে, মন্ত্ৰী অশোক সিংঘালে (Assam minister Ashok Singhal)পূৰ্বেও মহানগৰীৰ বেদখলৰ বিষয়ে উল্লেখ কৰিছিল ।
তেখেতে বেদখল আৰু এনে নিৰ্মাণৰ বাবেই গুৱাহাটীত কৃত্ৰিম বানৰ লগতে অন্যান্য সমস্যাৰ সৃষ্টি হোৱা বুলিও মন্তব্য কৰিছিল। সেয়েহে, মন্ত্ৰী সিংঘালে পুনৰ মহানগৰীৰ বেদখল আৰু অবৈধ নিৰ্মাণৰ বিৰুদ্ধে অভিযান চলাই উচ্ছেদ কৰিব বুলি কৰা মন্তব্যই যে বহুতৰে টোপনি কাঢ়িব সেয়া নিশ্চিত।
অৱশ্যে এই কথা সময়েহে ক’ব যে, মন্ত্ৰী সিংঘালৰ এই মন্তব্য কিমানদূৰ বাস্তৱায়িত হয় অথবা প্ৰশাসনৰ অভিযানে পুঁজিপতি বণিকগোষ্ঠীয়ে চলোৱা বেদখল আৰু অবৈধ নিৰ্মাণ কাৰ্যক স্পৰ্শ কৰিব পাৰিব নে নাই ।
যদিও ইয়াৰ পূৰ্বে মহানগৰীৰ বিভিন্ন স্থানত প্ৰশাসনে অবৈধ বেদখল আৰু নিৰ্মাণ কাৰ্যৰ বিৰুদ্ধে অভিযান চলাইছিল কিন্তু বহিৰাগত পুঁজিপতিয়ে দখল কৰা ভূমি বেদখল মুক্ত কৰা অথবা তেওঁলোকৰ অবৈধ নিৰ্মাণত বুলড’জাৰ চলোৱাৰ পৰা বিৰত আছিল।
অন্যহাতে, এবাৰ উচ্ছেদ কৰাৰ পিছত পৰৱৰ্তী সময়ত উচ্ছেদিত স্থানত পুনৰ নিৰ্মাণ কাৰ্য চলাৰ ঘটনাও এতিয়া সুলভ এইখন মহানগৰীত। গতিকে মন্ত্ৰী অশোক সিংঘালে কৰা মন্তব্য যদি সকলোৰে ক্ষেত্ৰত প্ৰযোজ্য হয় অথবা বাস্তৱায়িত হয় তেনে গুৱাহাটীৰ বাবেই এয়া হ’ব মংগলজনক।পিছে সময়েহে ক’ব মন্ত্ৰী সিংঘালৰ এই হুংকাৰে কাক স্পৰ্শ কৰে, কাৰ অবৈধ নিৰ্মাণত চলে প্ৰশাসনৰ বুলড’জাৰ।
