দেওবাৰে খানাপাৰাৰ পশু চিকিৎসা মহাবিদ্যালয়ত অনুষ্ঠিত গুণোৎসৱ GUNOTSAV ২০২২ৰ বঁটা বিতৰণী অনুষ্ঠানত অংশগ্ৰহণ কৰি বঁটা বিজয়ীসকলক বঁটা প্ৰদান কৰে মুখ্যমন্ত্ৰী ডঃ হিমন্ত বিশ্ব শৰ্মাই Dr.Himanta Bashaw Sarma । উল্লেখ্য, উক্ত অনুষ্ঠানত গুণোৎসৱৰ মূল্যায়নৰ সময়ত সৰ্বোচ্চ এ+ গ্ৰেড লাভ কৰা ৰাজ্যৰ ৪,৮৪১খন বিদ্যালয়লৈ পুৰস্কাৰ হিচাপে অসম চৰকাৰৰ তৰফৰ পৰা ২৫,০০০ টকাকৈ প্ৰদান কৰা হয়।
তদুপৰি সৰ্বাধিক এ+ গ্ৰেড লাভ কৰা জিলাকেইখনকো আজিৰ অনুষ্ঠানতে প্ৰথম, দ্বিতীয় আৰু তৃতীয় পুৰস্কাৰ প্ৰদান কৰা হয়। বঁটা প্ৰদান কৰি মুখ্যমন্ত্ৰীয়ে কয়, “এই পদক্ষেপে ৰাজ্যৰ শিক্ষা খণ্ডলৈ এক নতুন জোৱাৰ অনাৰ লগতে আগন্তুক সময়ত দেশৰ ভিতৰতে অন্যতম প্ৰগতিশীল ৰাজ্যলৈ অসমক ৰূপান্তৰ কৰিবলৈ সক্ষম হ’ব বুলি মই দৃঢ় বিশ্বাসী।”
আজিৰ অনুষ্ঠানত কেবিনেট মন্ত্ৰী ডাঃ ৰণোজ পেগু, যোগেন মহন, নন্দিতা গাৰ্লোছা, পৰিমল শুক্লবৈদ্য, অতুল বৰা, চন্দ্ৰমোহন পাটোৱাৰী, অজন্তা নেওগ, পীযুষ হাজৰীকা, জয়ন্তমল্ল বৰুৱা, সঞ্জয় কিষাণ, ৰণজিৎ কুমাৰ দাস, কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাং আৰু অসম চৰকাৰৰ শিক্ষা উপদেষ্টা অধ্যাপক ননীগোপাল মহন্তকে ধৰি অন্যান্যসকল উপস্থিত থাকে।
