আলোকিত ডুবাইৰ ৰাজপথ ভৰি পৰিছে অনুৰাগীৰে। বুধবাৰে সন্ধিয়া বুৰ্জ খলিফাৰ সন্মুখত সমবেত হয় হাজাৰ হাজাৰ লোক। কাৰণ পৃথিৱীৰ আটাইতকৈ ওখ অট্টালিকাটোত শ্বাহৰুখ খানৰ ছবি দেখা দিয়ে। বেকগ্ৰাউণ্ডত বাজি আছে ‘ওম শান্তি ওম’ গীতটো।
সেয়া হ’বলৈহে পালে, তাৰ পিছত আৰু অনুৰাগীসকল জানো মৌন হৈ থাকিব পাৰে! উক্ত আনন্দৰ জোৱাৰ চাবলগীয়া হৈ পৰে।ডুবাইৰ আটাইতকৈ ডাঙৰ আৰু বিখ্যাত সংস্থা বুৰজিল হোল্ডিংছৰ বিজ্ঞাপনত দেখা গʼল শ্বাহৰুখক। এই সংগঠনৰ অধীনত ৩৯ খন চিকিৎসালয়, বহু চিকিৎসা কেন্দ্ৰ আছে।
সংস্থাটোৰ দীঘলীয়া যাত্ৰাৰ কাহিনী কিং খানৰ কণ্ঠত শুনা গৈছে। আনহাতে, সংস্থাটোৰ বিজ্ঞাপনত শ্বাহৰুখক লৈ মালিক অতি সুখী। লগতে অভিনেতাগৰাকীৰ প্ৰতি কৃতজ্ঞতা জ্ঞাপন কৰে।
মন কৰিবলগীয়া যে শ্বাহৰুখৰ ফটো ইয়াৰ আগতেও বহুবাৰ বুৰ্জ খলিফাত দেখা গৈছে। কিং খানৰ জন্মদিনত বিশেষ শ্ৰদ্ধা জনোৱাৰ উদ্দেশ্যে ফটো মুকলি কৰা হৈছে। এমাহ পিছত শ্বাহৰুখৰ জন্মদিন। তাৰ আগতে সকলোৱে ডুবাইৰ সৈতে শ্বাহৰুখৰ সু-সম্পৰ্কৰ সাক্ষী হয়।
