নিউজ ডেস্কঃ
অসমীয়া হেঁপাহৰ ভোগালী বিহুলৈ মাজত কেইটামান ঘণ্টা।ৰাজ্য ভিন্ন প্ৰান্তৰ লগতে গুৱাহাটী মহানগৰীত ভোগালীক আদৰা ব্যাপক প্ৰস্তুতি।উৰুকা উপলক্ষে দৈ- চিৰা, লাড়ু পিঠাৰ লগতে ভিন্ন খাদ্য সম্ভাৰে ভৰিছে মহানগৰী প্ৰত্যেক বজাৰ।
উল্লেখ্য যে মহানগৰীত প্ৰথমবাৰৰ বাবে গৰুখুটী বহুমুখী কৃষি প্ৰকল্প গীৰ গাইৰ গাখীৰো উপলব্ধ হৈছে। গুজৰাটৰ পৰা অনা গীৰ গাইৰ দৈ বিছাৰি মহানগৰীৰ বিহুৰ বজাৰত গ্ৰাহকৰ ব্যাপক উচ্চাহ দেখিবলৈ পোৱা গৈছে।
তাপৰ্যপূৰ্ণ কথা দৃধাৰ উদ্যোগত আৰু এ.এ.ইউ ফ্ৰেচৰ সহযোগত খানাপাৰা পশু চিকিৎসা মহাবিদ্যালয় চৌহদত অনুষ্ঠিত হৈছে কন্যাকা ভোগালী মেলা।
মঙলবাৰৰ পৰা অনুষ্ঠিত এই মেলা সামৰণি পৰিব কালিলৈ অৰ্থাৎ বৃহস্পতিবাৰে।মেলাত কন্যাকা বহুমুখী পামৰ সামগ্ৰী, গৰুখুঁটি বহুমুখী প্ৰকল্পৰ চুঙা দৈ, মাহ, তিল, পিঠা-পনা, লাড়ু, চাউল, জহা চাউল, খাটি সৰিয়হৰ তেল আৰু অন্যান্য থলুৱা সামগ্ৰীৰ বিক্ৰী হৈছে।
ইফালে উৰুকা(১৩জানুৱাৰী) পুৱা কন্যাকা মৎস্য প্ৰকল্পৰ প্ৰায় ৫-১০ কুইন্টল থলুৱা মাছ উপলবদ্ধ হ’ব।
মেলা উদ্যোক্তাই জনোৱা অনুসৰি গৰুখুটী গীৰ গাইৰ বাহৰ চুঙাৰ দৈ বিচাৰি বহু গ্ৰাহক আহিছে। দৈনিক ৩০০লিটাৰ পৰ্যন্ত দৈ বিক্ৰী হৈছে।প্ৰতি লিটাৰ দৈ ২০০টকাকৈ বিক্ৰী লগতে গৰুখুটীত জৈৱিক পদ্ধতিৰে উৎপাদিত ৰঙালাউ, বন্ধাকবি, মটৰ , মাটিমাহ, তিলৰ উপৰিও কন্যাকাৰ মিঠাতেল, লাড়ু ,পিঠা ,গুৰ , কোমল চাউল, বৰা চাউল আদি উপলদ্ধ হৈছে।
