ষ্টাফ ৰিপ’ৰ্টাৰ:
ৰাজ্যত ক্ৰমশঃ হ্ৰাস পাইছে কোভিড আক্ৰান্তৰ সংখ্যা। যোৱা ২৪ ঘন্টাত ৰাজ্যত ১১৫৪৬৫টা পৰীক্ষা সম্পাদন কৰাৰ পিছত নতুনকৈ ৭৬৩গৰাকী লোক কোভিড–১৯ত আক্ৰান্ত হোৱা বুলি পৰীক্ষাত ধৰা পৰিছে ৷
ইয়াৰ ভিতৰত সৰ্বাধিক কামৰূপ মেট্ৰত ১২৪ গৰাকী, নলবাৰীত ৫৪ গৰাকী, বৰপেটাত ৪৮ গৰাকী আৰু গোলাঘাটত ৪৭ জনকৈ ব্যক্তি শুক্ৰবাৰে দিনটোত নতুনকৈ কোভিডত আক্ৰান্ত হৈছে। শুক্ৰবাৰৰ দিনটোত আক্ৰান্তৰ গড় হৈছে ০.৬৬ শতাংশ।
আনহাতে,শুক্ৰবাৰৰ দিনটোত মৃত্যু হৈছে ২০ জন ব্যক্তিৰ৷ দিনটোত গোলাঘাট আৰু শিৱসাগৰত ৩ জনকৈ, দৰং, কামৰুপ মেট্ৰত ২ জনকৈ, বৰপেটা, বিশ্বনাথ, বঙাইগাঁও, চৰাইদেউ, ধেমাজি, ডিব্ৰুগড়, যোৰহাট, কাৰ্বিআংলং, লখিমপুৰ আৰু নগাঁও জিলাত ১ জনকৈ লোকৰ কোভিডত মৃত্যু হৈছে।
উল্লেখ্য যে শুক্ৰবাৰৰ দিনটোত ৰাজ্যত সুস্থ হৈছে ১,১৬৯ জন লোক।ৰাজ্যত সুস্থৰ হাৰ ৯৭.৩৩ শতাংশ।ৰাজ্যত এতিয়াও চিকিৎসাধীন হৈ আছে ৮,৬৫৪ জন ৰোগী।
