কেন্দ্ৰীয় চৰকাৰে (Central Govt.) সংশোধন কৰিছে প্ৰব্ৰজনৰ নিয়ম (Correction Rules of Migration)। যোৱা মাহত ২০০৯ চনৰ নাগৰিকত্ব আইন সংশোধন কৰাৰ পিছত এইবাৰ ২০২৫ চনৰ প্ৰব্ৰজন আৰু বিদেশী আইনখনো সংশোধন কৰা হৈছে। কেন্দ্ৰীয় চৰকাৰে দেশৰ পৰা বাংলাদেশী অনুপ্ৰৱেশকাৰী (Bangladeshi illegal immigrant) আৰু অনুপ্ৰৱেশকাৰীক খেদি পঠিয়াবলৈ চেষ্টা চলাইছে। দেশখন অনুপ্ৰৱেশমুক্ত কৰাৰ বাবে প্ৰচেষ্টা চলোৱা হৈছে। পশ্চিমবংগত নতুন চৰকাৰ গঠন হোৱাৰ পাছত বিভিন্ন জিলাত অনুপ্ৰৱেশকাৰীক ৰখাৰ বাবে ‘হোল্ডিং চেণ্টাৰ’ মুকলি কৰা হৈছে। এনে পৰিস্থিতিত সোমবাৰে গৃহ মন্ত্ৰালয়ে প্ৰব্ৰজনৰ নিয়ম সংশোধন কৰে।
কেন্দ্ৰীয় অধিসূচনাত কোৱা হৈছে যে যদি ১৮০ দিন বা তাতকৈ কম সময়ৰ ভিছা লৈ ভাৰতলৈ অহা বিদেশীয়ে বৈধতাৰ সময়সীমা শেষ হোৱাৰ পিছত যদি ভাৰতত থাকিব বিচাৰে তেন্তে ম্যাদ উকলি যোৱাৰ আগতেই তেওঁ নিজৰ পঞ্জীয়ন কৰিব লাগিব। পূৰ্বে এনে ভিছাৰ নিয়ম আছিল যে ১৮০ দিনৰ বৈধতাৰ সময়সীমা শেষ হোৱাৰ ১৪ দিনৰ ভিতৰত পঞ্জীয়ন কৰিব লাগিব। এইবাৰ এই নিয়ম সলনি কৰা হৈছে। সংশোধিত নিয়ম অনুসৰি বৈধতাৰ সময়সীমা উকলি যোৱাৰ পূৰ্বে বিদেশীজনে প্ৰয়োজনীয় পদক্ষেপ ল’ব লাগিব। গৃহ মন্ত্ৰালয়ে জাৰি কৰা অধিসূচনাত বাংলাদেশী অনুপ্ৰৱেশকাৰীৰ বিষয়ে পৃথকে উল্লেখ কৰা হোৱা নাই। এই নিয়ম ভাৰতলৈ অহা সকলো বিদেশী লোকৰ ক্ষেত্ৰত প্ৰযোজ্য হ’ব। কিন্তু বৰ্তমানৰ পৰিস্থিতিত কেন্দ্ৰৰ এই পদক্ষেপ যথেষ্ট তাৎপৰ্যপূৰ্ণ বুলি বিবেচিত হৈছে।
যোৱা মাহত কেন্দ্রই ২০০৯ চনৰ নাগৰিকত্ব বিধি সংশোধন কৰে৷ ইয়াত উল্লেখ আছে যে ভাৰতৰ নাগৰিক হ’ব বিচৰা কোনো বাংলাদেশী, পাকিস্তানী বা আফগান লোকৰ নিজৰ দেশৰ কোনো বৈধ বা ম্যাদ উকলি যোৱা পাছপ’ৰ্ট থাকিব নালাগিব। যদি কোনো আবেদনকাৰীৰ বৈধ পাছপ’ৰ্ট থাকে তেন্তে তেওঁ পাছপ’ৰ্টৰ নম্বৰ, কেতিয়া জাৰি কৰা হৈছিল, কিমান দিন বৈধ এই সকলো তথ্য জমা দিব লাগিব। এইবাৰ কেন্দ্ৰই ভাৰতলৈ বিদেশী নাগৰিকৰ প্ৰব্ৰজন সম্পৰ্কীয় নিয়মৰ সংশোধন কৰে।
সংশোধিত নিয়ম অনুসৰি, ১৮০ দিনতকৈ অধিক সময়ৰ বাবে বৈধ ভিছা থকাসকলে এটা সময়ত ১৮০ দিনতকৈ অধিক সময় ভাৰতত থাকিব নোৱাৰিব। যদি তেওঁলোকে বছৰৰ যিকোনো সময়তে বা আচলতে দেশত থকাৰ সময় বৃদ্ধি কৰিব বিচাৰে তেন্তে ১৮০ দিনৰ সময়সীমা শেষ হোৱাৰ আগতেই তেওঁলোকে পঞ্জীয়ন কৰিব লাগিব। ইয়াৰ উপৰি কোৱা হৈছে যে এনে আবেদন “কেৱল জৰুৰীকালীন পৰিস্থিতিত” মঞ্জুৰ কৰা হ’ব।
