ASSAM TIMES POST
অজন্তা তালুকদাৰ, বোকাখাতঃ সদৌ অসম কবি সন্মিলনৰ অন্যতম এক শাখা বোকাখাত মহকুমা কবি সন্মিলন৷ বোকাখাত মহকুমা কবি সন্মিলনৰ প্ৰথম দ্বি-বাৰ্ষিক অধিৱেশনখন আজি এদিনীয়া কাৰ্যসূচীৰে বোকাখাত পুৱতি সাহিত্য সভা ভৱনত অনুষ্ঠিত হৈ যায়৷ কাৰ্যসূচী অনুসৰি পুৱা পতাকা উত্তোলন কৰে বোকাখাত মহকুমা কবি সন্মিলনৰ সভাপতি অমৰ শৰ্মাই৷
দিনৰ এক বজাৰ পৰা আৰম্ভ হোৱা মুকলি সভাখন বন্তি প্ৰজ্বলনেৰে শুভাৰম্ভ কৰে পুৱতি সাহিত্য সভাৰ সভাপতি তথা বোকাখাত মহকুমা কবি সন্মিলনৰ উপদেষ্টা অপূৰ্ব বৰদলৈয়ে৷ স্মৃতি তৰ্পন কৰে অসম চাহ জনগোষ্ঠী সাহিত্য সভাৰ কেন্দ্ৰীয় সমিতিৰ উপ-সভাপতি ধনীৰাম কুৰ্মী আৰু বোকাখাত সন্ধানী লেখিকা সমাৰোহ সমিতিৰ সম্পাদিকা তথা বোকাখাত মহকুমা কবি সন্মিলনৰ উপদেষ্টা চন্দ্ৰপ্ৰভা শইকীয়া ডেকাৰ লগতে বিশিষ্ট ব্যক্তিসকলে৷ বোকাখাত মহকুুমা কবি সন্মিলনৰ সভাপতি অমৰ শৰ্মাৰ সভাপতিত্বত অনুষ্ঠিত মুকলি সভাখন সুদেষ্ণা তামুলী হাজৰিকাৰ সৰস্বতী বন্দনাৰে আৰম্ভ হয়৷ সভাৰ উদ্দেশ্য ব্যাখ্যা কৰে বোকাখাত মহকুমা কবি সন্মিলনৰ ভাৰপ্ৰাপ্ত সম্পাদক তথা সাংগঠনিক আৰু পত্ৰিকা সম্পাদক অজন্তা তালুকদাৰে৷ শিল্পী কাকলি গোস্বামীৰ পৰিচালনাত সমবেত গীত পৰিবেশন কৰে সহশিল্পী সকলে৷
মুকলি সভাখন উদ্বোধন কৰে পুৱতি সাহিত্য সভাৰ প্ৰাক্তন সভাপতি, লেখক তথা বোকাখাত মহকুমা কবি সন্মিলনৰ উপদেষ্টা নিজৰা বৰঠাকুৰে৷ বিশিষ্ট অতিথি হিচাপে পুৱতি সাহিত্য সভাৰ সভাপতি অপূৰ্ব বৰদলৈয়ে এটি স্ব-ৰচিত বাংলা কবিতাৰে তেওঁৰ ভাষণ আগবঢ়ায়৷ পৰৱৰ্তি সময়ত নবীন-প্ৰৱীণ কবিসকলে স্ব-ৰচিত কবিতা পাঠ কৰে৷ কবিতা পাঠ কৰে ক্ৰমে ইস্পিতা দত্ত, বিতুপন পেগু, আপকুৰ প্ৰতিষ্ঠাপক সভাপতি, সাহিত্যিক পেঞ্চনাৰ তথা জ্যেষ্ঠ সাংবাদিক ভৱেশ শইকীয়াই প্ৰেৰণ কৰা পত্ৰ আৰু কবিতা পাঠ কৰে বোকাখাত কবি সন্মিলনৰ সভাপতি অমৰ শৰ্মাই৷ বোকাখাত আৰক্ষী থানাৰ যানবাহন আৰক্ষীৰ উপ-পৰিদৰ্শক গোবিন কাকতি, নবীন কবি দৃষ্টিৰূপা বৰদলৈ, সাংবাদিক অচ্যুৎ হাজৰিকাই ভাষণৰ মাজতে এটি স্ব-ৰচিত কবিতা পাঠ কৰে৷
নবীন তথা সৰু কবি ইস্পিতা তনয়া ফুকন, কৃষ্টিনা হাজৰিকাইও দুটি কবিতা পাঠ কৰে৷ বিশিষ্ট অতিথি হিচাপে মিচিং সাহিত্য সভাৰ প্ৰাক্তন সভাপতি তথা কবি মিনতি দলেই সাৰুৱা ভাষণৰ মাজতে এটি স্ব-ৰচিত কবিতা পাঠ কৰে৷ পুনৰ কবিতা পাঠ কৰে নবীন কবি লোকপ্ৰীয়া বৰাই৷ বিশিষ্ট অতিথিৰ ভাষণত চাহ জনগোষ্ঠী সাহিত্য সভাৰ কেন্দ্ৰীয় উপ-সভাপতি ধনীৰাম কুৰ্মীয়ে নিজৰ ভাষণৰ মাজতে ‘কৰম’ নামেৰে এটি স্ব-ৰচিত কবিতা পাঠ কৰে৷
কবিতা পাঠ কৰে শিক্ষক তথা শিল্পী নিৰজমণি (বুলেন)বৰা, কবি লক্ষিমী মহন্তই ভাষণৰ মাজতে স্ব-ৰচিত কবিতা পাঠ কৰে, কবি বুলী গগৈ, জ্যেষ্ঠ সাংবাদিক তথা বোকাখাত প্ৰেছ ক্লাবৰ সভাপতি ভৱানন্দ কলিতাই মনোজ্ঞ ভাষণৰ লগতে এটি কবিতা পাঠ কৰে৷ বোকাখাত জ্যেষ্ঠ নাগৰিক মঞ্চৰ সভাপতি ছৈয়দ আনিচুৰ ৰহমানে শুভেচ্ছামুলক বক্তব্য প্ৰদান কৰাৰ লগতে এটি স্ব-ৰচিত কবিতা পাঠ কৰে৷ সন্ধানী লেখিকা সমাৰোহ সমিতিৰ সভানেত্ৰী পুতলী খাউণ্ডে স্ব-ৰচিত কবিতা পাঠ কৰে৷
কবিতা পাঠ কৰে প্ৰবীণ কবি হেম বৰা, বিশিষ্ট কবি তথা আবৃত্তিকাৰ অজিত গগৈয়ে স্ব-ৰচিত কবিতা পাঠ কৰে৷ ইয়াৰ পাছতে বোকাখাত মহকুমা কবি সন্মিলনৰ বাৰ্ষিক মুখপত্ৰ “বাটচ’ৰা” যুটীয়াভাৱে উন্মোচন কৰে সদৌ অসম লেখিকা সমাৰোহ সমিতিৰ উপ-সভানেত্ৰী সুৱৰ্ণ শইকীয়া বৰদলৈ আৰু গোলাঘাট জিলা সাহিত্য সভাৰ উপ-সভাপতি কল্পনা চেতীয়াই লগতে দুয়োগৰাকীয়ে দুটি কবিতা পাঠ কৰে৷
ইয়াৰ পাছতে প্ৰবীণ কবি জয়ন্ত মাধৱ মৰাং, ৰিমঝিম শইকীয়া, ছাকিৰাম মাহাতু, পপী শইকীয়া, অনুপ তামুলী, প্ৰদীপ শৰ্মা, প্ৰদীপ কুমাৰ বৰা, পঙ্কজ কালিন্দী, শৰৎ হাজৰিকা, ৰিজু হাজৰিকা, পাৰভিজ হ’ক, ঊষাজুন ফুকন, মনালিছা শইকীয়া, অজন্তা তালুকদাৰ, মৃদুস্মিতা শৰ্মা, মনো বৰাই কবিতা পাঠ কৰাৰ লগতে পুৱতি সাহিত্য সভাৰ প্ৰাক্তন সভাপতি মনোৰঞ্জন সেনে শুভেচ্ছামূলক বক্তব্য প্ৰদান কৰে৷
আনহাতে কালি বিয়লি বোকাখাত পুৱতি সাহিত্য সভা ভৱনত অনুষ্ঠিত বোকাখাত মহকুমা কবি সন্মিলনৰ সাধাৰণ পৰিষদ আৰু বিষয় বাচনী সভাত অমৰ শৰ্মাক পুনৰ সভাপতি, সুৱৰ্ণ শইকীয়া বৰদলৈ, মিনতি দলে, গীতাঞ্জলি কলিতা আৰু কুমুদ কালিন্দীক উপ-সভাপতি, মনালিছা শইকীয়াক সম্পাদক, পঙ্কজ কালিন্দীক সহকাৰী সম্পাদক, দিব্যজ্যোতি হাজৰিকাক প্ৰচাৰ সম্পাদক, অজন্তা তালুকদাৰক সাংগঠনিক সম্পাদক হিচাপে লৈ এখন ২১ জনীয়া নতুন সমিতি গঠন কৰে ৷ সমগ্ৰ অনুষ্ঠানটোৰ আঁত ধৰে ভাৰপ্ৰাপ্ত যম্পাদক অজন্তা তালুকদাৰে৷
