ASSAM TIMES POST
ৰঙাপৰা: শোনিতপুৰ জিলাৰ ৰঙাপৰাৰ ৰেলৱে ইনষ্টিটিউট ভৱনত স্বৰ্গীয় দ্বিজেন্দ্ৰ নাথ সোঁৱৰণী এক চিত্ৰাংকন প্ৰতিযোগিতাৰ আয়োজন কৰা হয়। ৰঙাপৰা ৰেলৱে ৰাজহুৱা নামঘৰ সোনালী জয়ন্তী উদযাপন সমিতিৰ আলোচনী সম্পাদক অসীম ডেকাই আত ধৰা অনুষ্ঠানটিত প্ৰথম শ্ৰেণীৰ পৰা দ্বাদশ শ্ৰেণীৰ ১৪৮ গৰাকী ছাত্ৰ ছাত্ৰীয়ে অংশগ্ৰহণ কৰে।
অনুষ্ঠানটিত অংশগ্ৰহণ কৰি ৰেলৱে ৰাজহুৱা নামঘৰ সোনালী জয়ন্তী উদযাপন সমিতিৰ সভাপতি বলেন চক্ৰৱৰ্তীয়ে শ্ৰীমন্ত শংকৰদেৱৰ তিৰোভাৱ তিথি উপলক্ষে বহল ব্যাখ্যা দাঙি ধৰে আৰু উঠি অহা নবপ্ৰজন্মক গুৰু জনাৰ আদৰ্শৰে অনুপ্ৰাণিত হবলৈ আহ্বান জনায়।
শুদ্ধ কামে ছাত্ৰ-ছাত্ৰীক সদায় লক্ষ্যৰ কাষ চপাত সহায় কৰে বুলি তেওঁ উল্লেখ কৰে।প্ৰতিযোগিতা খনত চিত্ৰ প্ৰশিক্ষক পাৰশ ৰাম,কনক বৰুৱা ও জিতু বছুমতাৰিয়ে বিচাৰকৰ ভূমিকা পালন কৰে। সভাত ৰঙাপৰা ৰেলৱে চিকিৎসালয়ৰ মুখ্য চিকিৎসক ড০ আৰ কে প্ৰসাদ, ৰেলৱে সহকাৰী মন্ডলিক বিষয়া অনুপ শৰ্মা, ৰেলৱে বিদ্যুৎ বিভাগৰ জেষ্ঠ অভিযন্তা মুকুট দাস,বিশ্বনাথ শিক্ষা মন্ডলৰ গাননিক গনেছ বছুমতাৰি, ৰেলৱে ৰাজহুৱা নামঘৰ সোনালী জয়ন্তী উদযাপন সমিতিৰ সম্পাদক প্ৰসেন ডেকা, অংকুৰ বিকাশ জাতীয় বিদ্যালয়ৰ অধ্যক্ষা জয়া শইকীয়া দাস আৰু চিত্ৰাংকন প্ৰতিযোগিতাৰ দাতা চিত্ৰাৱলী দেৱীয়ে অংশগ্ৰহণ কৰে।
সভাত যোৱা ২০ জুন ৰাভা দিৱসত অনুষ্ঠিত চিত্ৰাংকন প্ৰতিযোগিতাৰ বিজয়ী প্ৰতিযোগি সকলক সম্বৰ্ধনা জনোৱা হয় আৰু আগন্তুক ১৭ অক্টোবৰত আজিৰ প্ৰতিযোগিতাৰ বিজয়ী সকলক পুৰস্কৃত কৰা হব বুলি ঘোষণা কৰা হয়।
