ষ্টাফ ৰিপ’ৰ্টাৰ:
ৰাজ্যত পুনৰ ক’ৰোনামুক্ত হৈছে ১৪৭১ গৰাকী। বিগত ২৪ ঘন্টাত ১৪৭১ গৰাকী কোভিড-১৯ ৰোগীয়ে সুস্থ হৈ আজি চিকিৎসালয়ৰ পৰা যাবলৈ অনুমতি লাভ কৰিছে ৷ ৷ টুইট যোগে এই কথা সদৰী কৰে ড° হিমন্ত বিশ্ব শৰ্মাই।
আনহাতে বুধবাৰে অসমত ৫৯১৬২টা পৰীক্ষা সম্পাদন কৰাৰ পিছত ৰাজ্যত নতুনকৈ আজি ২২৮৪ গৰাকী লোক কোভিড-১৯ত আক্ৰান্ত হোৱা বুলি পৰীক্ষাত ধৰা পৰিছে ৷ ইয়াৰে ৩৬২জন কামৰূপ মেট্ৰ, ১৭৭জন ডিব্ৰুগড়, ১৫৭জন নগাঁও, ১২৩জন কামৰূপ গ্ৰাম্যৰ।আক্ৰান্তৰ হাৰ ৩.৮৬শতাংশ ৷
বৰ্তমানলৈ অসমত এই ভাইৰাছত আক্ৰান্ত লোকৰ সংখ্যা ৫০,৪৪৫ জনলৈ বৃদ্ধি পাইছে । ৰাজ্যত সম্প্ৰতি ১৪৪২৯ গৰাকী চিকিত্সাধীন হৈ থকাৰ বিপৰীতে আৰোগ্য হৈ উঠিছে ৩৫৮৯২ গৰাকী।উল্লেখ্য যে ৰাজ্যত বিয়োগ হোৱা লোকৰ সংখ্যাও ১২১ গৰাকীলৈ বৃদ্ধি পালে।
