ৰাজ্যৰ তীব্ৰ আলোড়ন সৃষ্টিকাৰী নলবাৰীৰ আছু নেতা (AASU leader of Nalbari) মাধুৰ্য বৰ্মন (Madhurya Barman)ক হত্যাকাৰী (Murderer) তথা আৰক্ষীৰ গুলীত নিহত আছিফ আলী (Deceased Asif Ali)ৰ মঙলবাৰে জানাজা (Funeral) সম্পন্ন হয়। নলবাৰীৰ শ্বহীদ মুকুন্দ কাকতি চিভিল হস্পিটেলত মৰণোত্তৰ পৰীক্ষা সম্পন্ন হোৱাৰ পিছত আছিফৰ মৃতদেহ ঘৰলৈ নলবাৰীৰ দেহৰ কালাকুছিৰ নিজগৃহলৈ নিয়া হয়। তাৰ পিছত পৰিয়াল তথা আত্মীয়-স্বজনৰ উপস্থিতিত জানাজা সম্পন্ন কৰা হয়৷ নিজৰ ঘৰৰ পুখুৰীৰ পাৰত জানাজাৰ সময়ত আৰক্ষী তথা নিৰাপত্তাৰক্ষীয়ে কটকটীয়া নিৰাপত্তা বেষ্টনী গঢ়ি তোলে৷ উল্লেখ্য যে মাধুৰ্য বৰ্মনা আৰু তেওঁৰ এগৰাকী সম্পৰ্কীয় ভগ্নীক দেওবাৰে সন্ধিয়া নিৰ্মমভাৱে আক্ৰমণ কৰিছিল আছিফ আলীয়ে।
এই ঘটনাত মাধুৰ্য বৰ্মন থিতাতে নিহত হোৱাৰ লগতে তেওঁৰ ভগ্নী বৰ্তমান সংকটজনক অৱস্থাত জিএমচিএইচত চিকিৎসাধীন হৈ আছে। ইয়াৰ পিছত সোমবাৰে মুকালমুৱাৰ এখন চৰত আৰক্ষীয়ে আছিফ আলীক কৰায়ত্ত কৰে যদিও আৰক্ষীৰ ৰাইফল কাঢ়ি পলায়নৰ চেষ্টা কৰোতেই আৰক্ষীৰ গুলীত নিহত হয় আছিফ আলী। আনহাতে, এই ঘটনাৰ পিছত নলবাৰীৰ কালাকুছি আশ্ৰাফুল উলুম মাদ্ৰাছা আৰু ছয়খন গাঁৱৰ মছজিদ সমিতিয়ে ৰ’জ আলীৰ জানাজাত অংশগ্ৰহণ নকৰাৰ সিদ্ধান্ত গ্ৰহণ কৰাৰ লগতে ৰাজহুৱা কবৰস্থানত জানাজা কৰিবলৈ নিদিয়াৰ সমূহীয়া প্ৰস্তাৱ গ্ৰহণ কৰে৷ সোমবাৰে ৰাজহুৱা সভাত লোৱা এই সিদ্ধান্তৰ কথা স্থানীয় ৰাইজে সংবাদ মাধ্যমৰ আগত জনোৱাৰ পিছত মঙলবাৰে ৰ’জ আলীৰ জানাজাত গাঁৱৰ কোনো লোকে অংশগ্ৰহণৰ পৰা বিৰত থাকে৷
