ডিফু (Diphu) চহৰৰ শীতলাবাৰীৰ এখন ঘৰৰ পৰা উদ্ধাৰ দুষ্প্রাপ্য প্রজাতিৰ বনৰৌ (Pangolin)। বিগত দুদিন ধৰি এই বনৰৌটো শিতলাবাৰী অঞ্চলত ঘূৰি ফুৰা দেখা গৈছিল যদিও কোনেও ধৰিব পৰা নাছিল। কিন্তু মঙলবাৰে নিশা শিতলাবাৰীৰ এঘৰ লোকৰ ঘৰত বনৰৌটো জোপোকা মাৰি বহি থকা প্ৰত্যক্ষ কৰে। ইয়াৰ পিছত স্থানীয় কিছু যুৱকৰ সহায়ত বনৰৌটোক এটা বস্তাৰ ভিতৰত বন্দী কৰিবলৈ সক্ষম হয়। ইয়াৰ পিছত আজি পুৱা তেওঁলোকে বন বিভাগৰ পাণবাৰীস্থিত ৰেঞ্জ অফিচৰ কাষত হস্তান্তৰ কৰাৰ পিছত বন বিভাগে বনাঞ্চলৰ সুৰক্ষিত স্থানত বনৰৌটোক মুকলি কৰি দিয়ে।
আনহাতে, বনৰৌটো উদ্ধাৰ কৰা স্থানীয় যুৱকসকলে দুষ্প্রাপ্য প্রজাতিৰ যিকোনো প্রজাতিক ৰাক্ষা কৰাৰ বাবে আহ্বান জনাইছে। উল্লেখ্য যে অঞ্চলটোত দুষ্প্রাপ্য বনৰৌ এইবাৰে প্রথম দেখা গৈছে। উল্লেখ্য যে বনৰৌ হৈছে এক অনন্য নিশাচৰ স্তন্যপায়ী প্রাণী। ই পৃথিৱীৰ একমাত্র স্তন্যপায়ী প্রাণী হিচাপে বিখ্যাত, যাৰ সম্পূৰ্ণ শৰীৰটো কঠিন আঁহেৰে আবৃত।
