ডিফুত সংঘটিত হৈছে এক ভয়ংকৰ অগ্নিকাণ্ড। জিলা উদ্যোগ আৰু বাণিজ্য কাৰ্যালয়ৰ সমীপত সংঘটিত হয় এই ভয়ংকৰ অগ্নিকাণ্ড। অগ্নিকাণ্ডৰ ফলত কেইবাটাও গেছ চিলিণ্ডাৰৰ বিস্ফোৰণ ঘটাত পৰিস্থিতি ভয়াৱহ হৈ পৰে। ফলত কেইবাটাও বাসগৃহ জুইত সম্পূৰ্ণৰূপে জাহ যায়। জুই নিৰ্বাপণ কৰিবলৈ ৩ খনকৈ অগ্নিনিৰ্বাপক বাহিনীৰ বাহন ব্যৱহাৰ হৈছে। অৱশ্যে এই অগ্নিকাণ্ডত কোনো লোক হতাহত হোৱাৰ খবৰ এতিয়ালৈকে লাভ কৰা হোৱা নাই। আনহাতে, অগ্নিকাণ্ডৰ সঠিক কাৰণো বাতৰি লিখাৰ পৰলৈকে জানিব পৰা হোৱা নাই।
