কেব চালকসকলৰ (Cab protest) সৈতে পৰিবহণ বিভাগৰ আলোচনা সম্পন্ন হোৱাৰ পিছতে সাময়িকভাৱে স্থগিত (Temporarily suspended) ৰখা হৈছে কেব চালকসকলৰ প্ৰতিবাদ। বৈঠকৰ পিছত আজিৰ পৰা পুনৰ চলাচল কৰিব OLA, UBER আৰু RAPIDOকে ধৰি অনলাইন কেব সেৱা।
প্ৰাপ্ত তথ্য অনুসৰি, কেব চালকসকলৰ বিভিন্ন দাবী আৰু সমস্যাক লৈ পৰিবহণ বিভাগৰ সৈতে হোৱা বৈঠকৰ পিছতে ১৭ ছেপ্টেম্বৰলৈ প্ৰতিবাদ স্থগিত ৰখাৰ সিদ্ধান্ত লোৱা হৈছে।
ইফালে, ১৭ ছেপ্টেম্বৰৰ ভিতৰত চালকসকলৰ দাবীসমূহ পূৰণ নকৰিলে পৰৱৰ্তী সময়ত পুনৰ বৈঠকত মিলিত হোৱাৰ সিদ্ধান্ত গ্ৰহণ কৰা হৈছে।
আনহাতে, OLA, UBER আৰু RAPIDO কৰ্তৃপক্ষই চালকসকলৰ দাবীসমূহ মানি নল’লে পৰৱৰ্তী সময়ত এপসমূহৰ সেৱা বন্ধ কৰাৰ দৰে কঠোৰ সিদ্ধান্ত লোৱাৰ সম্ভাৱনাও প্ৰকাশ কৰিছে প্ৰতিবাদকাৰী কেব চালকসকলে।
বৰ্তমানৰ বাবে কেব সেৱা স্বাভাৱিক হৈছে যদিও ১৭ ছেপ্টেম্বৰৰ পিছত বিষয়টোৰ পৰৱৰ্তী গতিবিধিৰ ওপৰত গুৰুত্ব থাকিব।
