বৃহস্পতিবাৰে ৰাজ্যত বিধানসভা নিৰ্বাচনৰ ভোটগ্ৰহণ অনুষ্ঠিত হ’ব। কিন্তু তাৰ মাজতে ৰাজ্যৰ ৰাজনীতিত সংঘটিত হৈছে এক নোহোৱা-নোপোজা ঘটনা। ভোটগ্ৰহণলৈ মাজত ১০ ঘণ্টাৰো কম সময় বাকী থকা অৱস্থাত দল ত্যাগ (Leave the Congress) কৰিছে এগৰাকী প্ৰাৰ্থীয়ে। তেওঁ হৈছে ওদালগুৰি বিধানসভা সমষ্টি (Udalguri Assembly Constituency)ৰ (সংৰক্ষিত) কংগ্ৰেছ দলৰ প্ৰাৰ্থী (Congress party candidate) সুৰেণ দৈমাৰী (Suren Daimari)৷
ইফালে সুৰেণ দৈমাৰীৰ এই সিদ্ধান্তই বিব্ৰত কৰিছে কংগ্ৰেছ দলক৷ কংগ্ৰেছ ত্যাগ কৰি সংবাদ মাধ্যমৰ আগত সুৰেণ দৈমাৰীয়ে কংগ্ৰেছৰ ওপৰত ক্ষোভ উজাৰি কয় যে কংগ্ৰেছ হৈছে বিশ্বাসঘাতক৷ টিকট প্ৰদান কৰিও তেওঁ কংগ্ৰেছে বিশ্বাসঘাতকতা কৰাৰ অভিযোগ সুৰেণ দৈমাৰীৰ৷ কংগ্ৰেছ নেতৃত্বই নিৰ্বাচনী প্ৰচাৰত কোনো গুৰুত্ব নিদিয়াৰ অভিযোগ তুলি তেওঁ অকলেই নিৰ্বাচনী প্ৰচাৰ চলোৱা বুলি ক্ষোভ প্ৰকাশ কৰে৷ যাৰবাবে তেওঁ কংগ্ৰেছৰ শীৰ্ষ নেতৃত্বৰ ওচৰত পদত্যাগ-পত্ৰ দাখিল কৰা বুলি উল্লেখ কৰে। তেওঁ লগতে কয় যে দলে তেওঁক বিশ্বাসঘাতকতা কৰিছে আৰু সেয়ে তেওঁ কোনো দলৰ লগত নাই। আনহাতে, তেওঁ কংগ্ৰেছক প্ৰৱঞ্চক আৰু গাড্ডাৰ আখ্যাও দিয়ে৷
