ৰাজ্যৰ ভিন্ন প্ৰান্তৰ লগতে কাৰবি আংলং জিলাৰ সদৰ চহৰ ডিফুতো অনুষ্টুপীয়াকৈ উদযাপন কৰা হয় জাতি-ধৰ্ম, বৰ্ণ নিৰ্বিশেষক লৈ গঢ়া বৰ অসমৰ স্ৰষ্টা স্বৰ্গদেউ চ্যাও ল্যুং চুকাফাৰ অসম আগমণৰ স্মৃতি হিছাপে অসম দিৱস (Asom Divas) ৷
কাৰবিআংলং টাই আহোম কালচাৰেল ছচাইটিৰ উদ্যোগত ডিফুৰ ধৰমনালাৰ চুকাফা ভৱনত উদযাপন কৰা হয় অসম দিৱস ৷ এই উপলক্ষে পতাকা উত্তোলন কৰে সভাপতি চাও পুতুল চেতিয়াই ৷ ইয়াৰ পিছত ক্ৰমান্বয়ে মৈদাম তৰ্পনৰ নেতৃত্ব বহন কৰে কাৰ্যকৰী সভাপতি চাও প্ৰিয়ৰাম দিহিঙ্গীয়াই ৷
ইয়াৰ পিছতে উপদেষ্টা চাও বিমল বুঢ়া গোঁহাইৰ তত্বাৱধনাত স্বৰ্গদেউ চ্যুকাফাৰ প্ৰতিমূৰ্তিত পুষ্পাঞ্জলী আৰু মাল্যাৰ্পণেৰে গভীৰ শ্ৰদ্ধাঞ্জলী জ্ঞাপন কৰে ৷ শেষত উপদেষ্টা চাও অমুল্য গগৈৰ নেতৃত্বত উপাসনা গৃহ ৰণ চাও চ্যেঙত সমুহীয়াকৈ আইচিং লাউ প্ৰাৰ্থনা কৰা হয় বুলি জানিব পৰা গৈছে ৷
উক্ত অনুষ্ঠান সাধাৰণ সম্পাদক চাও বিক্ৰম সন্দিকৈৰ লগতে টাই আহোম কালচাৰেল ছ’চাইটিৰ অনান্য কৰ্ম কৰ্তা সকলো উপস্থিত থাকে স্বৰ্গদেউ চাওলুং চুকাফালৈ শ্ৰদ্ধাঞ্জলী নিবেদন কৰে ৷৷
