ভাৰতীয় প্ৰতিৰক্ষা গৱেষণা আৰু উন্নয়ন সংস্থা (Indian Defence Research and Development Organisation)ই নিৰ্মাণ কৰি আছে অধিক শক্তিশালী ক্ষেপণাস্ত্ৰ। নৌসেনাৰ ছাবমেৰিনত নিয়োগ কৰা হ’ব এই পাৰমাণৱিক ক্ষমতাসম্পন্ন ক্ষেপণাস্ত্ৰ (Nuclear-capable missiles)। এই কে ছিৰিজৰ মিছাইলটো হৈছে কে-৫ (K-5)। থলুৱাভাৱে নিৰ্মিত এই ক্ষেপণাস্ত্ৰই ২০০০ কিলোগ্ৰাম বিস্ফোৰক কঢ়িয়াই নিব পাৰে।
সূত্ৰ অনুসৰি, এই ক্ষেপণাস্ত্ৰই ৫-৬ হাজাৰ কিলোমিটাৰ দূৰত্বৰ লক্ষ্যবস্তুও ধ্বংস কৰিব পাৰে। অৱশ্যে এই ক্ষেপণাস্ত্ৰই সৰ্বোচ্চ ৯০০০ কিলোমিটাৰ দূৰত্ব অতিক্ৰম কৰিব পাৰে। যদি এই ক্ষেপণাস্ত্ৰ ভাৰত মহাসাগৰ অঞ্চলৰ পৰা নিক্ষেপ কৰা হয়, তেন্তে পাকিস্তান আৰু চীনৰ বহু অঞ্চল ইয়াৰ অধীনলৈ আহিব। এই ক্ষেপণাস্ত্ৰই কেইমিনিটমানৰ ভিতৰতে উক্ত অঞ্চলসমূহ ধ্বংস কৰিবলৈ সক্ষম।
এই ক্ষেপণাস্ত্ৰক শত্ৰুপক্ষৰ ৰাডাৰেও ধৰা পেলাব নোৱাৰিব। কেৱল সেয়াই নহয়, এই ক্ষেপণাস্ত্ৰত MIRV প্ৰযুক্তি ব্যৱহাৰ কৰা হৈছে। ফলত এই ক্ষেপণাস্ত্ৰই একেলগে একাধিক লক্ষ্যত আক্ৰমণ কৰিব পাৰে। ভাৰতৰ হাতত আছে কে-৪ ক্ষেপণাস্ত্ৰ, যিয়ে ৭৫০ৰ পৰা ৩৫০০ কিলোমিটাৰ দূৰত্বত আক্ৰমণ কৰিব পাৰে। কিন্তু এইবাৰ নৌসেনাক শক্তিশালী কৰিবলৈ DARDO-A K-5 আৰু K-6 ক্ষেপণাস্ত্ৰ নিৰ্মাণ কৰিছে। ৩৯ ফুট দীঘল কে-৬ ক্ষেপণাস্ত্ৰই ৩ হাজাৰ কিলোগ্ৰাম ওজনৰ পাৰমাণৱিক ৱাৰহেড কঢ়িয়াব পাৰে। এই ক্ষেপণাস্ত্ৰই ৮-১২ হাজাৰ কিলোমিটাৰ দূৰত্বত আক্ৰমণ কৰিবলৈ সক্ষম।
