ডিফুত বিদ্যুৎস্পৃষ্ট হৈ একে পৰিয়ালৰে এগৰাকী কিশোৰীকে ধৰি দুজনৰ মৃত্যু। কিশোৰী গৰাকীৰ নাম চুম্বী টেৰণপী আৰু ব্যক্তি গৰাকীৰ নাম মণ্ডল ইংহী। ডিফুৰ বিৰলাৰ নিজ গৃহত লোহাৰ জখলাত উঠি বিদ্যুৎ মেৰামতিৰ কাম কৰাৰ সময়তে সংঘটিত হয় এই ঘটনা। জানিব পৰা অনুসৰি কিশোৰীগৰাকীয়ে জখলা ডাল ধৰি আছিল আৰু ব্যক্তিজনে উঠি কাম কৰিছিল।
তেনেতে বিদ্যৎস্পৃষ্ট হৈ দুয়োজনৰ মৃত্যু ঘটে। কিশোৰীগৰাকীৰ আচল ঘৰ ডকমকাৰ লাংলকছ’ত বুলি জানিব পৰা গৈছে। পৰিয়ালৰ কিশোৰীগৰাকীক পঢ়োৱাৰ বাবে মণ্ডল ইংহীয়ে ডিফুৰ নিজ গৃহত ৰাখিছিল। মৃত মণ্ডল ইংহী কাৰ্বি ছাত্ৰ সন্থাৰ এটা গোটৰ উপ-সভাপতিৰ দায়িত্বত আছিল। এই ঘটনাই এতিয়া সমগ্ৰ পেলাইছে এক শোকৰ ছাঁ।
