মঙলবাৰে অভিনেত্ৰী ঈষা দেউলে বিবাহ বিচ্ছেদৰ (Actress Esha Deol divorces) কথা ঘোষণা কৰে। বিয়াৰ ১২ বছৰ পিছত যৱনিকা পৰে তেওঁলোকৰ দাম্পত্য জীৱনৰ। এক যৌথ বিবৃতিত অভিনেত্ৰীগৰাকী আৰু তেওঁৰ স্বামীয়ে পাৰস্পৰিক সন্মতি সাপেক্ষে বিবাহৰ অন্ত (End of marriage subject to mutual consent) পেলাইছে বুলি জানিবলৈ দিয়ে। অৱশ্যে দুবছৰমান পূৰ্বে অভিনেত্ৰীগৰাকীয়ে কৈছিল যে তেওঁৰ স্বামী ভৰতৰ সৈতে সম্পৰ্কৰ অৱনতি ঘটিছে। আৰম্ভ হৈছিল দ্বিতীয় কন্যা মিৰায়াৰ জন্মৰ পিছত।
২০২০ চনত ঈষাই লিখিছিল এখন গ্ৰন্থ। নামটো হৈছে ‘আম্মা মিয়া: ষ্ট’ৰিজ, এডভাইচ এণ্ড ৰেচিপিজ’। তাতে অভিনেত্ৰীগৰাকীয়ে কয় যে দ্বিতীয় সন্তানৰ জন্মৰ পৰাই স্বামী ভৰতে নিজকে ‘অৱহেলিত’ অনুভৱ কৰিবলৈ আৰম্ভ কৰিছিল।
ঈষাই তেওঁৰ গ্ৰন্থখনত লিখিছে, “দ্বিতীয় সন্তান জন্ম হোৱাৰ কিছু দিনৰ পাছতে মই লক্ষ্য কৰোঁ যে ভৰতে মোৰ লগত অদ্ভুত আচৰণ কৰিছে, প্ৰায় সকলো সময়তে বিচলিত হৈ থাকে। আচলতে তেওঁ অনুভৱ কৰিছিল যে মই তেওঁৰ প্ৰতি পৰ্যাপ্ত গুৰুত্ব দিয়া নাই। মই জানো, স্বামীৰ এনে অনুভৱ হোৱাটো স্বাভাৱিক। সেই সময়ত মই এফালে ৰাধ্যাৰ স্কুল আৰু আনফালে মিৰায়াৰ খোৱা-বোৱাত ব্যস্ত আছিলো। লগে লগে মোৰ গ্ৰন্থ লিখা আৰু মোৰ প্ৰডাকচন কোম্পানীটোৰ সৈতে হোৱা সভাও আছিল। লাহে লাহে মোৰ ভুলটো বুজি পালোঁ।
এবাৰ ভৰতে নতুন ব্ৰাছ বিচাৰিছিল, মই পাহৰি গ’লো। কেতিয়াবা তেওঁৰ কাপোৰবোৰ ইস্ত্ৰী কৰা নহয়, কেতিয়াবা তেওঁ অফিচত একো নোখোৱাকৈ ওলাই যাব লগা হয়, মই ধ্যান দিব পৰা নাছিলো।” অৱশেষত সম্পৰ্ক বিচ্ছেদৰ পথত খোজ দিলে। অৱশ্যে এইটো গুজৱ শুনা যায় যে অভিনেত্ৰীগৰাকীৰ স্বামী ভৰত বিবাহ বহিৰ্ভূত সম্পৰ্কত জড়িত। মুম্বাই এৰি তেওঁ প্ৰেমিকাৰ সৈতে বাংগালুৰুত আছে। কিন্তু এই সন্দৰ্ভত এতিয়াও কোনো মন্তব্য কৰা নাই বিখ্যাত হীৰা ব্যৱসায়ীগৰাকীয়ে।
