ঐশ্বৰ্য ৰায় বচ্চনৰ (Aishwarya Rai Bachchan) বিগত কেইমাহমানৰ পৰা বচ্চন পৰিয়ালৰ সৈতে বিবাদ (Dispute with Bachchan family) চলি আছে। জানিব পৰা মতে, ঐশ্বৰ্যৰ ইতিমধ্যে শাহুৱেক জয়া বচ্চন আৰু শ্বেতা নন্দৰ লগত সম্পৰ্ক বেয়া হৈছে। সেইবাবেই স্বামী অভিষেক বচ্চনৰ সৈতেও বাঢ়িছে দূৰত্ব। কিন্তু এয়াই প্ৰথম নহয়, ঐশ্বৰ্যৰ সৈতে বচ্চন পৰিয়ালৰ সমীকৰণক লৈ বিভিন্ন উৰাবাতৰি চলি আহিছে। কিন্তু ঐশ্বৰ্যই সদায় নিজৰ ব্যক্তিগত জীৱনটো লুকুৱাই ৰাখিছে।
কিন্তু ইটোৰ পিছত সিটোকৈ কথাবোৰ ঘটি আছে, যাৰ বাবে ঐশ্বৰ্য আৰু বচ্চন পৰিয়ালৰ বিবাদৰ জল্পনা-কল্পনা দিনক দিনে অধিক শক্তিশালী হৈ আহিছে।বিগত কেইবামাহো ধৰি ঐশ্বৰ্যক হয় মাতৃ বৃন্দা ৰায়ৰ সৈতে, নহয় কন্যা আৰাধ্যাৰ সৈতে দেখা গৈছে। শেহতীয়াকৈ তেওঁ বচ্চন পৰিয়ালৰ দীপাৱলী পূজাত অংশ লোৱা নাছিল।
তাৰ পৰিৱৰ্তে কন্যাৰ সৈতে ছুটীত ওলাই যায় অভিনেত্ৰীগৰাকী। এইবাৰ ঐশ্বৰ্যই দেউতাকৰ ঘৰৰ ছবি দিয়ে। সাধাৰণতে তেওঁ ছ’চিয়েল মিডিয়াত বৰ সক্ৰিয় নহয়। জীৱনৰ গুৰুত্বপূৰ্ণ দিনতহে তেওঁক পোষ্ট কৰা দেখা যায়। শেহতীয়াকৈ অভিনেত্ৰীগৰাকীয়ে প্ৰয়াত পিতৃ কৃষ্ণৰাজ ৰায়ৰ জন্মদিন উদযাপন কৰে।
তাতো তেওঁক মাক আৰু আৰাধ্যাৰ সৈতে দেখা গৈছিল। কিন্তু অভিষেক বচ্চনক ক’তো দেখা পোৱা হোৱা নাছিল। বিগত কেইমাহমানৰ পৰা ইজনে সিজনৰ অবিহনে আছে। কিন্তু এইবাৰ অভিনেত্ৰীগৰাকী পিতৃৰ ঘৰত আছে কিয়? নে পিতৃৰ জন্মদিন উপলক্ষে যোৱাৰ বাবেই মাতৃৰ লগত বেছি সময় কটাবলগা হৈছে, সেইটোক লৈ এতিয়াও বিভ্ৰান্তি আছে। অৱশ্যে অভিষেকৰ সৈতে তেওঁৰ দূৰত্ব বহুতে লক্ষ্য কৰিছে।
