বৰ্তমান বলীউডৰ অন্যতম চৰ্চিত দম্পতী হৈছে ৰণবীৰ কাপুৰ আৰু আলিয়া ভাট (Ranbir Kapoor and Alia Bhatt)। বয়সৰ ব্যৱধান থকাৰ পিছতো মনৰ সাদৃশ্য লক্ষণীয়। আনহাতে, একাংশ নেটিজেনে দাবী কৰিছে যে আলিয়াক কিছু শাসনত ৰাখে অভিনেতাজনে। আনকি আলিয়াই নিজেও কৈছিল যে তেওঁৰ স্বামীয়ে ডাঙৰকৈ কথা কʼবলৈ ভাল নাপায়।
আনকি আলিয়াই লিপষ্টিক লগোৱাতো তেওঁৰ আপত্তি আছে। এইবাৰ ৬৯ সংখ্যক ৰাষ্ট্ৰীয় বঁটাৰ অনুষ্ঠান (69th National Awards Ceremony) কক্ষত আলিয়াৰ কাষত থিয় হ’বলৈ আপত্তি দৰ্শালে ৰণবীৰে। এটা ভিডিঅʼ ছচিয়েল মিডিয়া পেজত বিয়পি পৰিছে।
৬৯ সংখ্যক ৰাষ্ট্ৰীয় চলচ্চিত্ৰ বঁটাত আলিয়াই গংগুবাই কঠিয়াৱাড়ীৰ (Gangubai Kathiawadi) বাবে শ্ৰেষ্ঠ অভিনেত্ৰীৰ বঁটা লাভ (Won the Best Actress Award) কৰে। এই অনুষ্ঠানটো মঙলবাৰে দিল্লীত অনুষ্ঠিত হয়। আলিয়াৰ লগত আছিল স্বামী ৰণবীৰ। আলিয়াই পিন্ধিছিল সব্যাসাচী মুখাৰ্জীয়ে ডিজাইন কৰা বিয়াৰ শাৰী।
ৰণবীৰে পিন্ধিছিল কʼলা ৰঙৰ নেকবেণ্ড। গাড়ীৰ পৰা নামি অহাৰ লগে লগে ৰণবীৰ আলিয়াৰ পৰা বিচ্ছিন্ন হৈ পৰে। অনুষ্ঠান কক্ষত প্ৰৱেশ কৰি আলিয়াই সাক্ষাৎকাৰ দি থকাৰ সময়তে ৰণবীৰক তেওঁৰ কাষত থিয় হʼবলৈ কোৱা হয় যদিও তেওঁ নাকচ কৰে। অলপ দ্বিধাবোধ কৰি তেওঁ আলিয়াৰ পৰা আঁতৰি থিয় হয়। তেতিয়াৰ পৰাই এই দম্পতীক লৈ বহু চৰ্চা আৰম্ভ হৈছে। বহুতে তেওঁলোকৰ সম্পৰ্কক লৈও প্ৰশ্ন উত্থাপন কৰিছে।
