এটা সাত বছৰীয়া শিশুৰ কাৰ্ডিঅ’মাইঅ’পেথী (Cardiomyopathy in a seven-year-old child) ধৰা পৰে। তাৰ উপৰি হৃদযন্ত্ৰৰ বিকলতাই তেওঁৰ জীয়াই থকাৰ আশা আৰু ক্ষীণ কৰি তুলিছিল। চিকিৎসকসকলে আশা প্ৰায় এৰি দিছিল। হঠাৎ ১৪ বছৰীয়া লʼৰা এটাৰ পৰিয়াল আগবাঢ়ি আহিল ৭ বছৰীয়া ছোৱালীজনীক এক নতুন জীৱন (7-year-old is new life) দিবলৈ। বেংগালুৰু (Bengaluru) যান-বাহন আৰক্ষীৰ সহায়ত ১৩ মিনিটত ১৪ কিলোমিটাৰত গ্ৰীণ কৰিড’ৰৰ মাজেৰে হৃদযন্ত্ৰ আহে। তাৰ ফলত এক নতুন জীৱন লাভ কৰে তেওঁ।
বেংগালুৰুৰ বাসিন্দা শিশুটিয়ে হঠাতে এদিন বুকুত চাপ অনুভৱ কৰে। চিকিৎসকে পৰীক্ষা কৰি দেখে যে তেওঁৰ হৃদযন্ত্ৰৰ পাম্পিং ক্ষমতা ক্ৰমান্বয়ে কমি আহিছে। হৃদস্পন্দনো কম। বেংগালুৰুৰ এখন ব্যক্তিগত চিকিৎসালয়ত ততাতৈয়াকৈ আৰম্ভ হয় প্ৰাথমিক চিকিৎসা। কিন্তু এদিন শিশুটিৰ গুৰুতৰ হাৰ্ট এটেক হয়।
পৰিস্থিতি ইমানেই জটিল হৈ পৰে যে চিকিৎসকে প্ৰায় হাত দাঙি দিয়ে। ডিলাইটেড কাৰ্ডিঅ’মাইঅ’পেথী ৰোগত আক্ৰান্ত শিশুক বচাবলৈ হৃদযন্ত্ৰ প্ৰতিস্থাপন একমাত্ৰ উপায়। কিন্তু শিশুটিৰ ওজন আৰু তেজৰ প্ৰকাৰে এনে চিকিৎসাৰ বাটত বাধাৰ সৃষ্টি কৰে। ১৭ কিলোগ্ৰাম ওজনত এনে জটিল অস্ত্ৰোপচাৰ কৰাটোও বিপদজনক।
শিশুটিৰ বিৰল ব্লাড গ্ৰুপক লৈও চিন্তিত হৈ পৰিছিল চিকিৎসকসকল। কিন্তু প্ৰতিস্থাপন কৰিব বিচাৰিলেই কৰিব নোৱাৰি। ল’ব খোজাজনৰ লগত মিল থকা দাতা বিচাৰি উলিওৱাটোও কঠিন। ঠিক সেই সময়তে আচৰিত ঘটনাটো ঘটিল! মহানগৰীৰ আন এখন চিকিৎসালয়ত ব্ৰেইন ডেথ হয় ১৪ বছৰীয়া এক কিশোৰৰ। লগে লগে তেওঁৰ পৰিয়ালে হৃদযন্ত্ৰ দান (14-year-old Boy’s heart donation) কৰাৰ সিদ্ধান্ত লয়। সেই হাৰ্ট ট্ৰান্সপ্লাণ্টৰ পিছত সাত বছৰীয়া ছোৱালীজনীয়ে নতুন জীৱন লাভ কৰে।
