দিল্লীৰ ৰাজপথত গুলীয়াই হত্যা কৰিলে এগৰাকী মহিলাক(Man Shoots Woman In Delhi)। দক্ষিণ-পশ্চিম দিল্লীৰ ডাবৰি অঞ্চলত (Dabri area of southwest Delhi) বৃহস্পতিবাৰে সন্ধিয়া সংঘটিত হয় এই ঘটনা। মৃত মহিলাগৰাকীক ৰেণু (৪২) বুলি (Renu (42) চিনাক্ত কৰা হৈছে। তেওঁৰ তিনিটা সন্তান আছে। বৃহস্পতিবাৰে নিশা প্ৰায় ৯.৩০ বজাত সংঘটিত হয় এই ঘটনা।
ৰাজপথত ঘৰৰ সন্মুখতে ৰেণু গোৱাল নামৰ মহিলাগৰাকীক গুলীয়াই হত্যা কৰে ২৫ বছৰীয়া যুৱক এজনে। লগে লগে ৰেণুক চিকিৎসালয়লৈ লৈ যোৱা হয় যদিও চিকিৎসকে তেওঁক মৃত ঘোষণা কৰে।তদন্তৰ অন্তত আৰক্ষীয়ে অভিযুক্তক বিচাৰিবলৈ আৰম্ভ কৰে। আৰক্ষীয়ে অভিযুক্তক বিচাৰি তেওঁৰ ঘৰত উপস্থিত হোৱাৰ লগে লগে যুৱকজনৰ মৃতদেহ উদ্ধাৰ কৰে। দিল্লী আৰক্ষীৰ সূত্ৰ অনুসৰি, অভিযুক্ত যুৱক আশীষে যিটো ৰিভলভাৰেৰে ৰেণুক গুলীয়াই হত্যা কৰিছিল, সেই একেটা ৰিভলভাৰৰেই গুলীত মৃত্যু হৈছিল অভিযুক্ত যুৱক আশীষৰ।
আৰক্ষীৰ প্ৰাৰম্ভিক ধাৰণা যে অভিযুক্ত আশীষে আত্মহত্যা কৰিছিল। স্থানীয় সূত্ৰ অনুসৰি, ৰেণুৰ স্বামী এজন নিৰ্মাণ ব্যৱসায়ী। দুই-তিনি বছৰ আগতে জিমত আশীষক লগ পাইছিল। দুয়োৰে মাজত বন্ধুত্বও গঢ় লৈ উঠে। ব্যক্তিগত সম্পৰ্কৰ বাবেই এই হত্যাকাণ্ড সংঘটিত হৈছে বুলি আৰক্ষীৰ ধাৰণা।
